တပ်ချုပ် အပါအ၀င်စစ်အကြီးအကဲ ၆ ဦး ICC တင်ရေး ကုလအကြံပေးချက်အပေါ် တုံ့ပြန်မှု

ဒေါ်ခင်မျိုးသက်

မြန်မာနိုင်ငံဆိုင်ရာ ကုလသမဂ္ဂ အချက်အလက်ရှာဖွေရေးအဖွဲ့

မျှဝေပါ

မြန်မာနိုင်ငံမှာ ဖြစ်ပွါးနေတဲ့ လူ့အခွင့်ရေးချိုးဖေါက်မှုတွေ အတွက် တပ်မတော် ကာကွယ်ရေးဦးစီးချုပ်နဲ့ စစ်တပ်အကြီးအကဲ ၅ ဦးကို နိုင်ငံတကာ ဥပဒေတွေနဲ့ အညီ စုံစမ်း စစ်ဆေး အရေးယူဖို့ ကုလသမဂ္ဂ စုံစမ်းရေး အဖွဲ့က အစီရင်ခံစာ ထုတ်ပြန်တောင်းဆိုလိုက်တဲ့ အပေါ် ဗြိတိန်အစိုးရတာဝန်ရှိသူတွေက ကြိုဆိုလိုက်သလို ရက်စက်တဲ့လုပ်ရပ်တွေအတွက် တာဝန်ရှိသူတွေကို တရားဥပဒေအရ အပြစ်ပေး အရေးယူနိုင်ဖို့ ကုလသမဂ္ဂ လုံခြုံရေးကောင်စီက အမြန် လုပ်ဆောင်ဖို့ လူ့အခွင့်ရေး အဖွဲ့တွေက တောင်းဆိုလိုက်ကြပါတယ်။ အပြည့်အစုံကို ဒေါ်ခင်မျိုးသက်က ပြောပြပေးမှာပါ။

တပ်မတော်ကာကွယ်ရေး ဦးစီးချုပ် ဗိုလ်ချုပ်မှုးကြီး မင်းအောင်လှိုင်အပါအဝင် စစ်ခေါင်းဆောင် ၆ ဦးဟာ မြန်မာနိုင်ငံတွင်းမှာ လူ့အခွင့်ရေး ချိုးဖေါက်မှုတွေ ဆိုးဆိုးဝါးဝါး ကျူးလွန်ခဲ့တယ်လို့ မြန်မာနိုင်ငံဆိုင်ရာ ကုလသမဂ္ဂ အချက်အလက်ရှာဖွေရေးအဖွဲ့က သြဂုတ်လ ၂၇ ရက်နေ့မှာ အစီရင်ခံစာ ထုတ်ပြန်ပြောဆိုလိုက်ပါတယ်။

အချက်အလက် ရှာဖွေရေးအဖွဲ့က တင်ပြထားတဲ့ စာရင်းမှာ မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ဒုတိယ ဗိုလ်ချုပ်မှုးကြီး စိုးဝင်း၊ ကာကွယ်ရေးဦးစီးချုပ်ရုံး (ကြည်း) ရဲ့ စစ်ဆင်ရေး အထူးအဖွဲ့မှုး ဒုတိယ ဗိုလ်ချုပ်ကြီးအောင်ကျော်ဇော၊ အနောက်ပိုင်းတိုင်း စစ်ဌာနချုပ် တိုင်းမှုး တာဝန်ယူခဲ့သူ ဗိုလ်ချုပ်မောင်မောင်စိုး၊ ရခိုင်ပြည်နယ်တွင်း နယ်မြေရှင်းလင်းရေး လုပ်တဲ့ စစ်ဆင်ရေးတွေမှာ ပါဝင်ခဲ့ ကြတဲ့ ဗိုလ်မှုးချုပ် သန်းဦးနဲ့ ဗိုလ်မှုးချုပ် အောင်အောင် တို့ပါဝင်ကြပါတယ်။

ရခိုင်ပြည်နယ်မြောက်ပိုင်းနဲ့ ရှမ်းပြည်နယ် ကချင်ပြည်နယ်တွေမှာ မြန်မာစစ်တပက် ကျူးလွန်ခဲ့တဲ့ လူ့အခွင့်ရေးကျူးလွန်ချိုးဖေါက်မှုတွေကို အထက်က အမိန့်ပေးခဲ့တဲ့ စစ်တပ် အကြီးအကဲ ၆ ဦးမှာတာဝန် အရှိဆုံး ဖြစ်တယ်လို့ စုံစမ်းစစ်ဆေးရေး အဖွဲ့ဝင်တဦးဖြစ်တဲ့ Christopher Sidoti ကပြောပါတယ်။

"မြန်မာနိုင်ငံမှာ အထက်က အမိန့်ပေးတာကို အောက်က လိုက်နာရတယ် ဆိုတာက သိပ်ကိုရှင်းပါတယ်။ ဒါ့ကြောင့် ပထမအနေနဲ့ ကတော့ ရခိုင်ပြည်နယ်မှာ ဖြစ်ပျက်ခဲ့တာ မှန်သမျှဟာ အဆင့်မြင့် စစ်ခေါင်းဆောင်ပိုင်းက မသိပဲနဲ့ ဘယ်လိုမှ မဖြစ်နိုင်ဘူး ဆိုတဲ့အချက်၊ ဒုတိယကတော့ ထိထိရောက်ရောက် ထိန်းချုပ်မှုအောင်မှာ ဖြစ်ပျက်ခဲ့တာကတော့ သံသယရှိစရာ မလိုပါဘူး။ မြန်မာနိုင်ငံမှာ ဒီလို အထက်အမိန့်ကြောင့် အဆင့်ဆင့် လိုက်နာ လုပ်ဆောင်ရတယ် ဆိုတာက ရှင်းတဲ့အတွက် ဒီလူ ၆ ယောက်ကို စုံစမ်းစစ်ဆေးပြီး အရေးယူဖို့ အခုလို ကျွန်တော်တို့က အကြံပေးခဲ့တာ ဖြစ်ပါတယ်။"

ဒီစစ်ခေါင်းဆောင်တွေဟာ Genocide လူမျိုးတုံးသတ်ဖြတ်မှု၊ Crimes against Humanity လူသားထုအပေါ် ကျူးလွန်တဲ့ရာဇ၀တ်မှုနဲ့ War Crimes စစ်ရာဇ၀တ်မှုတွေ ကျူးလွန်ခဲ့တယ်လို့လည်း အချက်အလက်ရှာဖွေရေး အဖွဲ့က စွပ်စွဲလိုက်ပြီး သူတို့ကို ဒီနိုင်ငံတကာဥပဒေတွေအရ စုံစမ်းစစ်ဆေးသင့်တယ်လို့ အစီရင်ခံစာမှာ တိုက်တွန်းထားပါတယ်။ တနင်္လာနေ့ ကပြုလုပ်တဲ့ သတင်းစာရှင်းလင်းပွဲမှာတော့ အဖွဲ့ဝင် နောက်တဦးဖြစ်တဲ့ Radika Coomaraswamy ကတော့ အစီရင်ခံစာနဲ့ ပတ်သက်ပြီး အခုလို ပြောပါတယ်။

"ကျမတို့ အစီရင်ခံစာမှာ လိင်ပိုင်းဆိုင်ရာ အကြမ်းဖက်မှု အပါအဝင် ဖေါ်ပြထားတဲ့ ကြီးလေးတဲ့ လူ့အခွင့်ရေး ချိုးဖေါက်မှုတွေကို ကျူးလွန်ခဲ့တဲ့ စစ်တပ်က မြန်မာစစ်တပ်ပါ။ တပ်မတော်ဟာ စစ်သားတွေ အပြင် စစ်ဆင်ရေးမှုာ စေလွှတ်ချထားတဲ့ တခြား လက်နက်ကိုင် လုံခြုံရေးတပ်တွေ အပေါ်မှာ ထိထိရောက်ရောက် အမိန့်နဲ့ ထိန်းချုပ် တာပါ။ ကျမတို့ အစီရင်ခံစာမှာ တပ်မှာ အဆင့်အမြင့်ဆုံး လူတွေရဲ့ နာမည်တွေကို ဖေါ်ပြထားတာ ဖြစ်ပါတယ်။ ဒီလို ဖေါ်ပြခြင်းအားဖြင့် သူတို့ရဲ့တာဝန်ယူမှုကို ကျမတို့က လေးလေးနက်နက် တောင်းဆိုနေတယ် ဆိုတာကိုပြသဖို့ ဖြစ်ပါတယ်။

မြန်မာနိုင်ငံဆိုင်ရာ ကုလသမဂ္ဂ အချက်အလက်ရှာဖွေရေး အဖွဲ့ရဲ့ အစီရင်ခံစာ ထွက်လာခဲ့ပြီးတဲ့ နောက်မှာ ဗြိတိန် နိုင်ငံခြားရေး ဝန်ကြီးသစ် Jeremy Hunt က အစီရင်ခံစာကို ဖတ်ရတာဟာ စိတ်သိပ်ထိခိုက်ရကြောင်း၊ ရိုဟင်ဂျာတွေအပေါ် ရက်စက်တဲ့ လုပ်ရပ်တွေကို ကျူးလွန်ခဲ့သူတွေ အတွက် ရှောင်ပုန်းစရာ နေရာ မရှိသင့်ကြောင်းနဲ့ ဒီ့အတွက် အဖြေရှာဖို့ မြန်မာနိုင်ငံကို တတ်နိုင်သလောက် အစောဆုံး သွားရောက်မှာ ဖြစ်ကြောင်း သူ့တွစ်တာမှာ ရေးသား ပြောဆိုခဲ့ပါတယ်။

ဗြိတိသျှအစိုးရအဖွဲ့ အာရှ ပစိဖိတ်ဒေသဆိုင်ရာ ဝန်ကြီး Mark Field ကလည်း တနင်္လာနေ့မှာပဲ ကြေညာချက် တစောင် ထုတ်ပြန်ပြီး ရိုဟင်ဂျာ ဒုက္ခသည်တွေနဲ့ ကိုယ်တိုင်တွေ့ဆုံဖူးသူ တယောက် အနေနဲ့ မြန်မာစစ်တပ်လူ့အခွင့်ရေး ချိုးဖေါက်မှုတွေလုပ်တာကို သိရှိကြောင်းနဲ့ သူတို့ရဲ့ ကျူးလွန်မှုတွေကို ဥပဒေကြောင်းအရ အရေးယူ နိုင်ဖို့ လုပ်နေတဲ့ အချက်အလက်ရှာဖွေရေး အဖွဲ့ရဲ့ လုပ်ရပ်ကို ချီးကြူးခဲ့ပါတယ်။ အခုလို အစီရင်ခံစာ ထွက်ပေါ်လာတဲ့အတွက် ကုလသမဂ္ဂ လူ့အခွင့်ရေးကောင်စီ ကရော၊ ကုလသမဂ္ဂ လုံခြုံရေးကောင်စီကပါ ဂရုတစိုက်နဲ့ အရေးယူ လာမယ်လို့ ယုံကြည်ကြောင်းလည်း ဖေါ်ပြထားပါတယ်။ ဒါ့အပြင် ဒီကိစ္စကို ကုလလူ့အခွင့်ရေး ကောင်စီမှာ စက်တင်ဘာလ ၁၈ ရက်နေ့ တင်သွင်းတဲ့ အခါ လုပ်ဆောင်နိုင်မယ့် အချက်တွေကို တခြားအဖွဲ့ဝင်တွေနဲ့ အတူဆွေးနွေးမှာ ဖြစ်ကြောင်းလည်း ရေးသား ထားပါတယ်။

မြန်မာစစ်တပ်က ပြီးခဲ့တဲ့ နှစ်အတွင်း ကျူးလွန်ခဲ့တဲ့ လူ့အခွင့်ရေးချိုးဖေါက်မှုတွေ အတွက် တာဝန်ရှိသူတွေကို တရားဥပဒေအရ အပြစ်ပေး အရေးယူနိုင်ဖို့ ကုလသမဂ္ဂ လုံခြုံရေးကောင်စီရဲ့ လုပ်ဆောင်မှုတွေဟာ သိပ်ကို နှေးကွေးလွန်းတာမို့ အမြန် လုပ်ဆောင်ဖို့ Human Rights Watch လူ့အခွင့်ရေး အဖွဲ့ကတောင်းဆိုကြောင်း အဖွဲ့ရဲ့ ကုလသမဂ္ဂဆိုင်ရာ လက်ထောက်ဒါရိုက်တာ Akshaya Kumar က ပြောပါတယ်။

"အခုတနှစ်ရှိနေပါပြီ။ နောက်ဆုံးဖြစ်ပွါးတဲ လူမျိုးနွယ်စုလိုက် ရှင်းလင်းတဲ့ အကြမ်းဖက်မှုတွေ ဖြစ်ပွါးခဲ့တာ တနှစ်ပြည့်နေပါပြီ။ ဒါပေမယ့် ဒီကိစ္စနဲ့ ပတ်သက်ပြီး ကုလသမဂ္ဂ လုံခြုံရေးကောင်စီရဲ့ လုပ်ရပ်တွေကို ကြည့်ရင် ပါးစပ်နဲ့ ပြောနေတာပဲ အများကြီးတွေ့နေရပြီး လက်တွေ့လုပ်တာ သိပ်မရှိပါဘူး။ သူတို့ကိုယ်တိုင် ဒေသတွင်းကို သွားခဲ့တာမို့ ဆိုးဝါးတဲ့ ဖြစ်ရပ်တွေကို သူတို့ မျက်စိနဲ့ တိုက်ရိုက် မတွေ့ရဘူး၊ သူတို့နားနဲ့ သေချာမကြားရဘူးလို့ ပြောလို့မရပါဘူး။ ဒါပေမယ့် သူတို့က လုံခြုံရေးကောင်စီမှာ ရှိတဲ့ သူတို့ရဲ့ လုပ်ပိုင်ခွင့်ကို သုံးပြီး ဒီကိစ္စကို ပြောဖို့ မလုပ်ကြပါဘူး။ အခု ဒီအစီရင်ခံစာ ထွက်လာတော့ ဒီအကြီးဆုံး အခွင့်အလန်းရလာတာဖြစ်ပြီး ဒီကိစ္စ နိုင်ငံတကာ ရာဇဝတ် တရားရုံးကို တင်ဖို့ လုပ်ရမှာပါ။"

ဒါ့အပြင် အကြမ်းဖက်မှုတွေလုပ်ရာမှာ ပါဝင်တဲ့ ARSA ရိုဟင်ဂျာ အကြမ်းဖက်အဖွဲ့ အပါအဝင် မြန်မာနိုင်ငံတွင်း လူ့အခွင့်ရေးချိုးဖေါက်သူ အားလုံးကို စုံစမ်းဖေါ်ထုတ် အရေးယူပေးဖို့လည်း မစ္စကုမာရ်က ပြောပါတယ်။

Fortify Rights လူ့အခွင့်ရေးအဖွဲ့ကလည်း ကုလသမဂ္ဂ လုံခြုံးကောင်စီအနေနဲ့ မြန်မာအရေး ICC နိုင်ငံတကာ ရာဇဝတ် တရားရုံးကို တင်သွင်းဖို့ တနင်္လာနေ့မှာပဲ ကြေညာချက် ထုတ်ပြန်ပြောဆိုပါတယ်။

အစီရင်ခံစာထဲမှာ ပြီးခဲ့တဲ့နှစ် သြဂုတ်လတုန်းက ARSA ရိုဟင်ဂျာ အကြမ်းဖက်အဖွဲ့ က မြန်မာလုံခြံရေး တပ်စခန်းတွေကို တိုက်ခိုက်ခဲ့တဲ့ နောက်ပိုင်း မြန်မာစစ်တပ်နဲ့ လုံခြုံရေးတပ်တွေရဲ့ နယ်မြေရှင်းလင်းရေးအတွင်း လူသတ်မှု၊ လိင်ပိုင်းဆိုင်ရာ အကြမ်းဖက်မှု၊ ဖမ်းဆီးညှင်းပမ်းမှု၊ ရွာမီးရှို့မှုစတဲ့ လူ့အခွင့်ရေး ချိုးဖေါက်မှုတွေကို မှတ်တမ်းတင်ထားတာပါ။ ဒါ့အပြင် ကချင်ပြည်နယ်နဲ့ ရှမ်းပြည်နယ်ထဲက လူ့အခွင့်ရေး ချိုးဖေါက်မှုတွေကိုလည်း ဖေါ်ပြထားပါတယ်။

ကုလသမဂ္ဂလူ့အခွင့်ရေး ကောင်စီက ဖွဲ့စည်းပေးတဲ့ အချက်အလက် စုဆောင်းရေး အဖွဲ့ကိုတော့ မြန်မာအစိုးရက လက်မခံသလို ပြည်ဝင်ခွင့်လည်း မပေးခဲ့ပါဘူး။

Edinburgh Freedom ဆု ဒေါ်အောင်ဆန်းစုကြည်ထံက ပြန်ရုပ်သိမ်းဖွယ်ရှိ

အင်ကြင်းနိုင်

Royal College of Surgeons of Edinburgh ကချီးမြှင့်တဲ့ ကျောင်းရဲ့ ဂုဏ်ထူးဆောင် ဆုကို ဒေါ်အောင်ဆန်းစုကြည် လက်ခံယူခဲ့စဉ် ( February 10, 2015)

မျှဝေပါ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ချီးမြှင့်ထားတဲ့ Freedom of Edinburgh ဆုကို ချက်ချင်း ပြန်ရုပ်သိမ်းဖို့ စကော့တလန်၊ Edinburgh မြို့တော်ကောင်စီမှာ ဒီကနေ့ ကြာသာပတေးနေ့မှာ တရားဝင်ဆုံးဖြတ်တော့မှာဖြစ်ပါတယ်။

ကျင့်ဝတ္တရား၊ သတ္တိနဲ့ လူ့အခွင့်အရေးမှာ ကမ္ဘာ့စံပြ ပုဂ္ဂိုလ်ဖြစ်ခဲ့သူ ဒေါ်အောင်ဆန်းစုကြည်အနေနဲ့ ရခိုင်ပြည်နယ်မြောက်ပိုင်းမှာ ရိုဟင်ဂျာတွေအပေါ် မြန်မာစစ်တပ်ရဲ့ အကြမ်းဖက်ဖိနှိပ်မှုကိုကန့်ကွက်ပြောဆိုဖို့ ပျက်ကွက်ခဲ့တဲ့အတွက်ကြောင့်ဖြစ်တယ်လို့ မြို့တော်ကောင်စီက ဆိုပါတယ်။

မအင်ကြင်းနိုင်က အပြည့်အစုံကို ဆက်လက် တင်ပြမှာပါ။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ် ကျနေစဉ် ၂၀၀၅ခုနှစ်က ချီးမြှင့်ခြင်းခံခဲ့ရတဲ့ Freedom of Edinburgh ဆုကို အခု NLD အစိုးရလက်ထက် နိုင်ငံတော်အတိုင်ပင်ခံပုဂ္ဂိုလ် ဖြစ်လာချိန်မှာ ပြန်ရုပ်သိမ်းဖို့ ဖြစ်လာခဲ့တာပါ။

ဒီဆုကို ပြန်ရုပ်သိမ်းလိုက်မယ်ဆိုရင်တော့ ဒေါ်အောင်ဆန်းစုကြည်အတွက် လွန်ခဲ့တဲ့နှစ်ကစပြီး နိုင်ငံတကာ အထင်ကရ ဆုတွေရုပ်သိမ်းခံရတဲ့ ၇ ခုမြောက် ဖြစ်လာမှာပါ။ ဗြိတိန် နိုင်ငံ Oxford မြို့ရဲ့ ဂုဏ်ထူးဆောင် Freedom of Oxford ဆု အပါအ၀င် Glasgow နဲ့ Newcastle မြို့တွေက ဒေါ်အောင်ဆန်းစုကြည်အပေါ်ချီးမြှင့်ထားတဲ့ လူ့အခွင့်အရေးဆိုင်ရာ ဂုဏ်ထူးဆောင်ဆု တွေကို အသီးသီး ပြန်ရုပ်သိမ်းပြီးနောက်မှာ Edinburgh မြို့ကလည်း ပြန်ရုပ်သိမ်းဖို့ ဆုံးဖြတ်တော့မှာ ဖြစ်ပါတယ်။

ရခိုင်ပြည်နယ်ကို ရိုဟင်ဂျာတွေ လုံလုံခြုံခြုံ ပြန်နိုင်ရေး ခွင့်ပြုဖို့ Edinburgh မြို့တော်ကောင်စီဥက္ကဌ Frank Ross ကနေ လွန်ခဲ့တဲ့နှစ် နိုဝင်ဘာလကတည်းက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်စီကို စာရေးသားပေးပို့ခဲ့ပေမယ့် ဒေါ်အောင်ဆန်းစုကြည်ဘက်က တစုံတရာ အကြောင်းပြန်ကြားခြင်း လုံးလုံးမရှိခဲ့တဲ့နောက်မှာ ဒီကနေ့ သြဂုတ်လ ၂၂ ရက်နေ့မှာ ဥက္ကဌ Frank Ross က ဆု ပြန်ရုပ်သိမ်းမယ့် သူ့ အဆိုကို မြို့တော်ကောင်စီ အစည်းအဝေးမှာ တင်သွင်း ဆုံးဖြတ်မှာပါ။

လွန်ခဲ့တဲ့ ၁၃ နှစ် ဆုချီးမြှင့်ချိန် ကိုယ်တိုင်တက်ရောက်ခဲ့တဲ့ Burma Campaign UK အဖွဲ့ ညွန်ကြားရေးမှူး Mark Farmaner ကလည်း ဆုကိုရုပ်သိမ်းဖို့ ဖြစ်လာရတဲ့ အကြောင်းအရင်းနဲ့ ပတ်သက်လို့ ဗွီအိုအေကို အခုလိုပြောပါတယ်။

“ဒေါ်အောင်ဆန်းစုကြည်ကို ချီးမြင့်ထားတဲ့ တခြားဆုတွေကို ပြန်လည် ရုပ်သိမ်းနေချိန်ဖြစ်တဲ့ လွန်ခဲ့တဲ့ လအနည်းငယ်က ဒီလို လုပ်ဆောင်ဖို့ စတင်ခဲ့တာပါ။ Edinburgh က အဲဒီတုန်းက ဒေါ်အောင်ဆန်းစုကြည်ထံကို စာရေးဖို့ ဆုံးဖြတ်ခဲ့ပါတယ်။ ဒေါ်အောင်ဆန်းစုကြည်အပေါ် ဝေဖန် ပြစ်တင်မှုတွေနဲ့ပတ်သက်လို့ ဖြေရှင်း တုန့်ပြန်ဖို့ သူ့ကို အခွင့်အလန်း ပေးခဲ့တာပါ။ အဲဒီနောက်မှာ အခုလို ဆုကို ပြန်ရုပ်သိမ်းဖို့ ဆုံးဖြတ်လိုက်တာပါ။ ဒေါ်အောင်ဆန်းစုကြည်ထံက ပြန်စာ မရရှိခဲ့တဲ့အတွက် ကောင်စီက ချီးမြင့်ခဲ့တဲ့ ဒီဆုကို ပြန်ရုပ်သိမ်းဖို့ ဆက်လက် လုပ်ဆောင်ခဲ့တာပါ။”

Edinburgh မြို့ရဲ့ ဂုဏ်ထူးဆောင်ဆုဟာ သိပ်အရေးပါပြီး မြန်မာ့ ဒီမိုကရေစီရေးလှုပ်ရှားမှုနဲ့ ဒေါ်အောင်ဆန်းစုကြည် လွတ်မြောက်ရေးအတွက်စစ်အစိုးရကို ဖိအားပေးဖို့ နိုင်ငံတကာရဲ့ပံ့ပိုးမှု အစိတ်အပိုင်း ဖြစ်ခဲ့တယ်လို့ Mark Farmaner က ပြောပါတယ်။

“ Edinburgh ဟာ ယူကေမှာ ထင်ရှားတဲ့ မြို့ကြီးဖြစ်ပါတယ်။ နိုင်ငံတကာမှာလည်း ထင်ပေါ် ကြော်ကြားပါတယ်။ ဒါကြောင့် Edinburgh မြို့တော်ရဲ့ လွတ်မြောက်မှုဆုကို ချီးမြင့်ခံရတာ သိပ်ကို ဂုဏ်ယူစရာ ဖြစ်ပါတယ်။ ဒီဆုကို ချီးမြင့်ရခြင်း အကြောင်းက မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးကို ထောက်ခံအားပေးဖို့ ဖြစ်ပါတယ်။ Edinburgh မြို့တော်ကောင်စီအနေနဲ့ ဒေါ်အောင်ဆန်းစုကြည်က စစ်တပ်အပေါ် ထိန်းချုပ်နိုင်ခြင်း မရှိဘူးဆိုတာကို လက်ခံ သဘောပေါက်ပါတယ်။ ဒါပေမယ့် တချိန်ထဲမှာဘဲ သူ့မှာ လူ့ကျင့်ဝတ် သိက္ခာပိုင်းအရ လွှမ်းမိုးနိုင်စွမ်း ရှိပါတယ်၊ ထုတ်ဖော် ပြောကြားနိုင်ပါတယ်၊ မြန်မာနိုင်ငံ လူ့အဖွဲ့အစည်းအပေါ် ပြောနိုင် ဆိုနိုင်စွမ်း ရှိတယ်ဆိုတာကိုလည်း Edinburgh မြို့တော်ကောင်စီက ခံယူထားတာ ဖြစ်ပါတယ်။ ဒါကြောင့် ရိုဟင်ဂျာတွေအပေါ် မြန်မာစစ်တပ်ရဲ့ ကျူးလွန် ချိုးဖောက်မှုတွေအကြောင်းကို သူက မေးခွန်းထုတ်မယ်၊ မှားတယ်လို့ ဝေဖန် ပြောဆိုနိုင်ပါတယ်။ ဒါပေမယ့် သူ့အစိုးရက လူ့အခွင့်အရေး ချိုးဖောက်မှုတွေ မရှိဘူးလို့ ငြင်းဆိုခဲ့တယ်၊ ရိုဟင်ဂျာတွေဟာ မြန်မာပြည်က မဟုတ်ဘူးလို့ ပြောခဲ့တဲ့အတွက် သူကိုယ်တိုင်က ဒီပြဿနာရဲ့ တစိတ်တပိုင်း ဖြစ်နေပါတယ်။”

၂၀၀၅ခုနှစ် ဆုပေးပွဲချီးမြှင့်တဲ့ အခမ်းအနားမှာ မြို့တော်ကောင်စီဥက္ကဌကလည်း ဒေါ်အောင်ဆန်းစုကြည်ကို နယ်လ်ဆင်မန်ဒဲလားနဲ့ နှိုင်းယှဉ်ပြီး ဖိနှိပ်မှုကို ရင်ဆိုင်ရာမှာ ငြိမ်းချမ်းစွာ ခုခံတော်လှန်မှုရဲ့ သင်္ကေတအဖြစ် ဂုဏ်ပြု ပြောဆိုခဲ့ပါတယ်။ ဒါကြောင့် အခုလို ဂုဏ်ပြုဆုတွေ ပြန်ရုပ်သိမ်းခဲ့ရတဲ့အပေါ် ဒေါ်အောင်ဆန်းစုကြည်ရဲ့ သဘောထားနဲ့ တုန့်ပြန်မှုကို နိုင်ငံတကာ စောင့်ကြည့်နေကြောင်း Mark Farmaner က အခုလိုပြောပါတယ်။

“အခုလို ချီးမြင့်ထားတဲ့ ဆုတွေပြန်ရုပ်သိမ်းခံရတာနဲ့ ပတ်သက်လို့ ဒေါ်အောင်ဆန်းစုကြည် ဘယ်လို သဘောထားတယ်ဆိုတာကို ကျနော်တို့ မသိပါဘူး။ သူ့အနေနဲ့ ဘယ်လိုမှ မခံစားရဘူးလို့ဆိုရင်တော့ အံ့အားသင့်စရာပါဘဲ။ အကြောင်းကတော့ ဒီဆုတွေဟာ သိပ်ကို ဂုဏ်ယူစရာကောင်းတဲ့ ဆုတွေ ဖြစ်လို့ပါ။ ဒါကြောင့် ဆုတွေကို ပြန်ရုပ်သိမ်းခံရတဲ့အပေါ် ကျနော်တို့ မသိပေမယ့် သူ့ပေါ်လစီ ချမှတ်မှုတွေ အပေါ်မှာတော့ ဘယ်လိုမှ သက်ရောက်မှု မရှိတာကို တွေ့ရပါတယ်။ နိုင်ငံတကာ စိုးရိမ်မှုတွေနဲ့ ဖိအားပေးမှုတွေအပေါ် သူ့ရဲ့ တုန့်ပြန်မှုတွေကို ကျနော်တို့ စောင့်ကြည့်ရမှာ ဖြစ်ပါတယ်။”

ဗိုလ်ချုပ်မှူးကြီးဟောင်း သန်းရွှေဦးဆောင်တဲ့ နအဖ စစ်အစိုးရလက်ထက်မှာတောင် နိုင်ငံတကာရဲ့ ပြင်းထန်တဲ့ ဖိအားတွေကြောင့် နိုင်ငံရေးအကျဉ်းသားတွေကို လွှတ်ပေးတာ၊ ကုလသမဂ္ဂ ကိုယ်စားလှယ်တွေကို မြန်မာနိုင်ငံ လာခွင့်ပြုတာ စတဲ့လုပ်ရပ်တချို့ ကို တခါတလေမှာ လုပ်ပြခဲ့တာမျိုး တွေ့ခဲ့ရတယ်လို့ သူက ဆိုပါတယ်။

ဒေါ်အောင်ဆန်းစုကြည်အပေါ် Freedom of Edinburgh ဆု ချီးမြှင့်ထားတာကို ပြန်ရုပ်သိမ်းခဲ့မယ်ဆိုရင် Edinburgh မြို့တော်ရဲ့ နှစ်ပေါင်း ၂၀၀ အတွင်း ဒုတိယအကြိမ်မြောက် ဖြစ်လာလိမ့်မယ်လို့ မြို့တော်ကောင်စီက ပြောပါတယ်။

ဒေါ်အောင်ဆန်းစုကြည်ကိုယ်တိုင်လည်း ရိုဟင်ဂျာ လို့ ခေါ်ဝေါ်သုံးစွဲဖို့ ငြင်းဆန်ထားသလို ပြီးခဲ့တဲ့ရက်ပိုင်းအတွင်း စင်္ကာပူနိုင်ငံမှာ ပြောကြားခဲ့တဲ့ သူ့ရဲ့မိန့်ခွန်းမှာလည်း ရခိုင်ပြည်နယ်မြောက်ပိုင်းက နေရပ်စွန့်ခွာထွက်ပြေးသူများ လို့ပဲ သုံးနှုန်းသွားပါတယ်။

ဒေါ်အောင်ဆန်းစုကြည်အနေနဲ့ ရခိုင်ပြည်နယ် ပဋိပက္ခမှာ ရိုဟင်ဂျာတွေအကြမ်းဖက်ဖိနှပ်ခဲ့မှုကို အချိန်မှီ အရေးယူလုပ်ဆောင်ဖို့ ပျက်ကွက်တာ၊ စစ်တပ်ရဲ့ ကျူးလွန်မှုတွေကို ကန့်ကွက် ပြောဆိုထောက်ပြခြင်း မရှိတာ စတာတွေကြောင့် သူ့ကို ချီးမြှင့်ထားတဲ့ ထင်ရှားတဲ့ နိုင်ငံတကာ ဂုဏ်ထူးဆောင်ဆု တချို့ ပြန်ရုပ်သိမ်းခံရတဲ့အထဲ မတ်လက အမေရိကန်ပြည်ထောင်စု Holocaust ပြတိုက်က ၂၀၁၂ခုနှစ် က ပေးအပ်ခဲ့တဲ့ Elie Weisel ဆုလည်း ပါဝင်ပါတယ်။

ရခိုင်အရေး ကုလဆိုင်ရာမြန်မာသံအမတ်ကြီးနဲ့ VOA ဆက်သွယ်မေးမြန်းခန်း ကောက်နှုတ်ချက်

ဒေါ်ခင်စိုးဝင်း

သံအမတ်ကြီး ဦးဟောက်ဒိုဆွမ်

မျှဝေပါ

ပြီးခဲ့တဲ့နှစ်က ရခိုင်ပြည်နယ်မြောက်ပိုင်းမှာ ARSA အကြမ်းဖက်အဖွဲ့က လုံခြုံရေးကင်းစခန်းတွေကိုတိုက်ခိုက်ခဲ့တာကြောင့် လုံခြုံရေးတပ်ဖွဲ့တွေက နယ်မြေရှင်းလင်းရေးလုပ်ရာမှာ ရိုဟင်ဂျာဒုက္ခသည်အလုံးအရင်းနဲ့ ဘင်္ဂလားဒေ့်ရ်ှနိုင်ငံဘက်ထွက်ပြေးခဲ့ကြရတာတနှစ်နီးပါးရှိခဲ့ပါပြီ။ ကုလသမဂ္ဂဆိုင်ရာ VOA သတင်းထောက် မာဂရက်ဘာရှာက လက်ရှိ ဒုက္ခသည်အရေး အခြေအနေအရပ်ရပ်နဲ့ ပတ်သက်ပြီး ကုလသမဂ္ဂဆိုင်ရာ မြန်မာအမြဲတန်းကိုယ်စားလှယ် သံအမတ်ကြီး ဦးဟောက်ဒိုဆွမ်းကို ဆက်သွယ်မေးမြန်းထားပါတယ်။ အဲဒီဆက်သွယ်ချက်ထဲက ကောက်နှုတ်ချက်တချို့ကို ဒေါ်ခင်စိုးဝင်းက တင်ပြပေးမှာပါ။

ARSA အဖွဲ့ရဲ့ ခြိမ်းခြောက်တဲ့အန္တရာယ်ရှိနေဆဲမို့ သတိနဲ့ နိုးနိုးကြားကြားရှိဖို့ လိုတယ်လို့ သံအမတ်ကြီးက ဆိုပါတယ်။ ဒါကြောင့် ARSA အဖွဲ့ရဲ့ အခြေအနေနဲ့ ပတ်သက်တဲ့ သဘောထားအမြင်ကို VOA ကမေးတဲ့အခါ သံအမတ်ကြီး ဦးဟောက်ဒိုဆွမ်က အခုလိုဖြေပါတယ်။

“အာရပ်ဘာသာနဲ့ ကိုးကွယ်ယုံကြည်ရာလှုပ်ရှားမှု Faith movement လို့လည်းခေါ်တဲ့ ARSA အဖွဲ့ဟာ လွန်ခဲ့တဲ့ နှစ်တွေအတွင်းကတည်းကလှုပ်ရှားခဲ့သလို အစိုးရတပ်တွေရဲ့ နယ်မြေရှင်းလင်းရေး စစ်ဆင်ရေးအပြီးမှာလည်း နိုင်ငံပြင်ပတနေရာမှာခိုလှုံနေပြီး လှုပ်ရှားမှုတွေရှိနေဆဲဘဲဆိုတဲ့ ခိုင်လုံတဲ့သတင်းတွေရထားပါတယ်။ လွန်ခဲ့တဲ့ တရက် ၂ရက်ကရတဲ့ ထောက်လှမ်းရေးသတင်းအရ ARSA ကနေ နောက်ထပ်တိုက်ခိုက်နိုင်ခြေရှိတယ်လို့သိရပါတယ်။ ထောက်လှမ်းရေးသတင်းတွေက ဝင်လာနေဆဲဖြစ်တာကြောင့် ဒီသတင်းအချက်အလက်တွေကို အရေးတယူသတိထားနေရတာဖြစ်ပါတယ်။

ARSA အဖွဲ့ကို ဘယ်သူတွေက အကူအညီပေးနေသလဲ၊ ရန်ပုံငွေနဲ့ လက်နက်တွေဘယ်ကရသလဲဆိုတဲ့ သတင်းအချက်အလက်တွေကောရထားတာရှိပါသလားဆိုတဲ့အမေးကိုတော့။

“ARSA ခေါင်းဆောင်ဟာ ပါကစ္စတန်မှာမွေးပြီး ဆော်ဒီအာရေဗီးယားမှာ လေ့ကျင့်သင်တန်းတက်ထားတဲ့ Ataullah ဆိုတာ သတင်းမီဒီယာတွေမှာ ကျယ်ကျယ်ပြန့်ပြန့်ဖေါ်ပြထားပါတယ်။ ကျနော်တို့ စွပ်စွဲတာမဟုတ်ပါဘူး။ ပြင်ပက အထောက်အပံ့အရှိဘဲနဲ့ ဒီလို လှုပ်ရှားမှုတွေနဲ့ တိုက်ခိုက်ဖို့မဖြစ်နိုင်ပါဘူး။ ဘယ်နိုင်ငံကိုမှ မစွပ်စွဲသလို လက်ညှိုးလည်းမထိုးပါဘူး။ ARSA အဖွဲ့အနေနဲ့ ပြင်ပအထောက်အပံ့မရှိဘဲနဲ့ ရပ်တည်ဖို့မဖြစ်နိုင်ပါဘူး။ARSA ရဲ့ ရည်ရွယ်ချက်ကိုကြည့်ရင်လည်း တချို့ပြင်ပက Lobby လုပ်နေတဲ့အဖွဲ့တွေ၊ လူ့အခွင့်အရေးလှုပ်ရှားသူတွေနဲ့ တချို့နိုင်ငံတွေရဲ့ တောင်းဆိုမှုတွေနဲ့ ထပ်တူဖြစ်နေတာ၊ ဆင်တူရိုးမှားဖြစ်နေတာတွေ့ရတော့၊ ARSA ကို ပြင်ပနေ ထောက်ပံ့နေတယ်လို့ ကျနော်တို့ကောက်ချက်ချတာ ကျိုးကြောင်းဆီလျော်ပါတယ်။”

မြန်မာအစိုးရက ရိုဟင်ဂျာအရေးမှာ ကုလသမဂ္ဂနဲ့ ပူးပေါင်းဆောင်ရွက်မယ်၊ အကြံပေးအဖွဲ့တွေရဲ့ ထောက်ခံအကြံပြုချက်တွေကို လိုက်နာမယ် စသဖြင့်ပြောထားပေမဲ့ မြန်မာနိုင်ငံဆိုင်ရာ ကုလအထူးကိုယ်စားလှယ် ယန်ဟီလီကိုကျတော့ မြန်မာနိုင်ငံကို ဘာကြောင့်ဝင်ခွင့်မပြုတာလဲ သိပါရစေ။

“အကြံပေးအဖွဲ့က ကုလအထူးကိုယ်စားလှယ်နဲ့ ပတ်သက်လို့ သီးခြားထောက်ခံအကြံပြုထားတာမရှိပါဘူး။ ကျနော်တို့ Ms. ယန်ဟီလီနဲ့ ယုံယုံကြည်ကြည်ပူးပေါင်းဆောင်ရွက်ခဲ့ပါတယ်။ ဒါပေမဲ့ သူ့ကိုပေးထားတဲ့ လုပ်ပိုင်ခွင့်တာဝန်အရ ဘက်မလိုက်ဘဲ စုံစမ်းစစ်ဆေးဖို့ဖြစ်ပေမဲ့ နောက်ပိုင်းမှာ Ms. ယန်ဟီလီကဘက်လိုက်တာတွေရှိခဲ့တာကြောင့် လူသစ်နဲ့ အစားထိုးဖို့ လူ့အခွင့်အရေးကောင်စီကို သတင်းပို့ခဲ့တာပါ။ အခုတော့ ကုလအတွင်းရေးမှူးချုပ်ရဲ့အထူးကိုယ်စားလှယ်အသစ် Christine Burgener နဲ့ အနီးကပ်၊ အပြည့်အဝပူးပေါင်းဆောင်ရွက်နေပါပြီ။ Ms. Burgener ဟာ မြန်မာနိုင်ငံကို ၂ ကြိမ်သွားရောက်ခဲ့ပြီး၊ နောက်လ စက်တင်ဘာလမှာလည်းထပ်သွားဖို့ရှိပြီး နေပြည်တော်မှာ ရုံးဖွင့်ဖို့စီစဉ်နေပါပြီ။ ဒါ့ကြောင့် ကျနော်တို့အနေနဲ့ ကုလသမဂ္ဂအတွင်းရေးမှူးချုပ်ရဲ့ အထူးကိုယ်စားလှယ်ကို ယုံကြည်မှုနဲ့ ပူးပေါငါးဆောင်ရွက်နေတာပါ။ ကျနော်တို့ရဲ့ မူအရ၊ ကုလသမဂ္ဂရဲ့ အပြုသဘောဆက်ဆံတာကို အမြဲကြိုဆိုနေပါတယ်။”

ရခိုင်အကြံပေးအဖွဲ့ရဲ့ ထောက်ခံအကြံပြုချက်တွေထဲမှာ လူမှုကယ်ဆယ်ရေးဝန်ထမ်းတွေနဲ့ သတင်းထောက်တွေကို လွတ်လပ်စွာသွားလာခွင့်ပေးဖို့ပါဝင်တယ်ဆိုတော့ အခု လွတ်လွတ်လပ်လပ်သွားလို့ရနေပါပြီလား။

“ဟုတ်ကဲ့၊ နေရပ်စွန့်ခွာခဲ့ရသူတွေ၊ ဆန္ဒအလျောက်၊ သိက္ခာရှိစွာ၊ စိတ်ချလုံခြုံမှုအပြည့်နဲ့ နေရပ်ရင်းပြန်လာနိုင်ရေးအတွက် အစိုးရနဲ့ UNDP နဲ့ UNHCR သုံးပွင့်ဆိုင် MOU နားလည်မှုစာချွန်လွှာ မကြာခင်က လက်မှတ်ထိုးနိုင်ခဲ့တာ သိပြီးဖြစ်မှာပါ။ အခု အဖွဲ့တွေဖွဲ့ပြီး လုပ်ငန်းတွေစတင်နေပါပြီ။ ကျေးရွာ ၂၃ ရွာကို စစ်တမ်းတွေ၊ စာရင်းဇယားတွေကောက်ယူဖို့ လွတ်လပ်စွာသွားခွင့်ပေးထားပါတယ်။ ဘင်္ဂလားနယ်စပ်က နောက်ထပ် ရွာ ၅ ရွာကိုပါသွားခွင့်ပြုလိုက်ပါပြီ။ ICRC နိုင်ငံတကာကြက်ခြေနီအဖွဲ့နဲ့ မြန်မာကြည်ခြေနီလှုပ်ရှားမှုအဖွဲ့ဝင်တွေလည်း အဲဒီနေရာတွေကို လွတ်လွတ်လပ်လပ်သွားပြီး စာနာမှုအကူအညီတွေဖြန့်ဝေပေးနေပြီဖြစ်ပါတယ်။"

အမေရိကန်ပြည်ထောင်စုဘဏ္ဍာရေးဌာနကနေ ရိုဟင်ဂျာနှိပ်ကွပ်မှုနဲ့ ပတ်သက်သူ စစ်ဘက်ဆိုင်ရာအဖွှဲစည်းတချို့နဲ့ အရာရှိတချို့ကို ပြီးခဲ့တဲ့ သီတင်းပတ်က ပိတ်ဆို့အရေးယူခဲ့ပါတယ်။ ရခိုင်ပဋိပက္ခကိုင်တွယ်ပုံကို အမေရိကန်က လူမျိုးစုအလိုက်ရှင်လင်းဖယ်ရှားမှု Ethnic Cleansing လို့ ရည်ညွှန်းပေမဲ့ Genocide လူမျိုးတုန်းသတ်ဖြတ်မှုအဆင့်ထိ သတ်မှတ်ဖို့ စဉ်းစားနေဆဲလို့ အမေရိကန်နိုင်ငံခြားဝန်ကြီးဌာနက မကြာခင်ကပြောဆိုလိုက်တာနဲ့ ပတ်သက်တဲ့အမေးကိုတော့။

“ကျနော်တို့အရင်ကလည်းပြောခဲ့ပြီးပါပြီ။ လူမျိုးစုအလိုက်ရှင်လင်းဖယ်ရှားမှု Ethnic Cleansing မဟုတ်သလို Genocide လူမျိုးတုန်းသတ်ဖြတ်နေတာလည်းမဟုတ်ပါဘူး။ လူမျိုးစုအလိုက်ရှင်းလင်းဖယ်ရှားတာဆိုရင် အလုံးအရင်းနဲ့ထွက်သွားတဲ့သူတွေ ပြန်လာဖို့အစီအစဉ်တွေ၊ နေရာချထားရေးတွေကို ကျနော်တို့ လေ့လာဆန်းစစ်ဖို့အကြောင်းမရှိပါဘူး။ ဘယ်လိုအဆင့်ဘဲပြောပြော၊ လူမျိုးတုန်းသတ်ဖြတ်ဖို့အသာထား၊ လူမျိုးစုအလိုက်ရှင်းလင်း ဖယ်ရှားတယ်ဆိုတဲ့ ခိုင်လုံတဲ့အထောက်အထားလည်းမရှိပါဘူး။ ဒီလို အဆင့်မျိုးသတ်မှတ်ဖို့၊ စွပ်စွဲဖို့ဆိုရင် ခိုင်လုံတဲ့ သက်သေအထောက်အထားနဲ့ ဥပဒေကြောင်းအရ သက်သေရှိရပါမယ်။ သိပ်ကို သိမ်မွေ့တဲ့ ကိစ္စဖြစ်ပါတယ်။ လုံခြုံရေးတပ်ဖွဲ့တွေရဲ့ လုပ်ရပ်ကို ဒီလိုမျိုးသတ်မှတ်နေတာတွေကို ကျနော်တို့ လုံးဝလက်မခံပါဘူး။”

ရခိုင်ပြည်နယ်အခြေအနေအပေါ်မှာ မြန်မာအစိုးရနဲ့ နိုင်ငံတကာရဲ့ အမြင်ကွာခြားမှုက အတော့်ကို ကြီးမားပါတယ်။ မြန်မာအစိုးရက ရွာတွေကို ရိုဟင်ဂျာတွေကိုယ်တိုင်မီးရှို့တာ၊ မတရားအစွပ်စွဲခံနေရတယ်လို့ပြောတယ်၊ နိုင်ငံတကာကလည်း လူသားမျိုးနွယ်စုအပေါ်မှာ ပြစ်မှုတွေကျူးလွန်တယ်လို့ ပြောတယ်။ ဒီကွာခြားချက်ကို ဘယ်လိုမြင်ပါသလဲ။

“နိုင်ငံတကာလူ့အခွင့်အရေးအဖွဲ့အစည်းတွေနဲ့ သတင်းမီဒီယာတွေက ဒီအကြောင်းအရာတွေကို အမြဲတဘက်စောင်းနင်း ဖေါ်ပြနေတာပါ။ မြန်မာပြည်သူအများစုက ဒီကိစ္စအပေါ်မှာ ဘယ်လိုသဘောထားရှိတယ်၊ ခံစားရှုမြင်တယ်ဆိုတာကို အပြည့်အဝထင်ဟပ်တဲ့ သက်သေအထောက်အထားရှင်းရှင်းလင်းလင်းဖေါ်ပြတာမရှိပါဘူး။ ရခိုင်အရေးဟာ သိပ်ရှုတ်ထွေးသလို သိမ်မွေ့တဲ့ ကိစ္စဖြစ်ပါတယ်။ အဖိနှပ်ခံရတယ်ဆိုတဲ့မူဆလင်တွေရဲ့ ပြောဆိုခံစားချက်တွေကသာ အနောက်မီဒီယာတွေရဲ့ ခေါင်းကြီးပိုင်းဖြစ်နေတယ်လို့ပြောရမှာပါ။ ကျနော်တို့အစိုးရတက်လာကတည်းက ဒီပြဿနာကိုဖြေရှင်းဖို့ တာဝန်ခံခဲ့သလိုဘဲ အခုလည်းကျိုးစားဖြေရှင်းနေတာပါ။ ဒါပေမဲ့ ကံမကောင်းအကြောင်းမလှစွာနဲ့ ARSA တိုက်ခိုက်မှုက အခုပြဿနာကို စပြီး မီးမွှေးခဲ့တာဖြစ်ပါတယ်။ ဒါကိုမမေ့ကြဖို့အရေးကြီးပါတယ်။ ဒီလူမှုပြဿနာရဲ့ ဇစ်မြစ်ကို သေးသိမ်အောင်လုပ်ပြီး ဖေါ်ပြဖို့အလွယ်တကူဘဲမေ့ပစ်ကြပြီး အစိုးရနဲ့ မြန်မာလူထုကိုဘဲ အပြစ်ပုံချနေကြတာတွေ့နေရပါတယ်။ ဒီပြဿနာကို ဒေါင့်ပေါင်းစုံကကြည့်ပြီး ရခိုင်ပြည်အရေး ရေရှည်အဖြေရှာဖို့ အလေးအနက်ထားဆောင်ရွက်နေတာပါ။ ရခိုင်ပြည်နယ်က မတူကွဲပြားတဲ့ အသိုင်းအဝိုင်းအကြား ငြိမ်းချမ်းစွာ သဟဇာတမျှမျှတတ နေထိုင်နိုင်ရေးနဲ့ ဖွံ့ဖြိုးရေးအတွက် ရေရှည်ဆေင်ရွက်ရမယ့်လုပ်ငန်းတွေကို အတတ်နိုင်ဆုံး အကောင်အထည်ဖေါ်သွားဖို့ ဆောင်ရွက်နေပါတယ်။"

ကျေးဇူးတင်ပါတယ်။

ရိုဟင်ဂျာဒုက္ခသည်တွေကို Bhasan Char ကျွန်းပို့မည့် အစီအစဉ် HRW ကန့်ကွက်

ဒေါ်ခင်မျိုးသက်

Bhasan Char ကျွန်း

မျှဝေပါ

ရိုဟင်ဂျာ ဒုက္ခသည်တွေကို လူမနေတဲ့ ကျွန်းငယ်လေး တခုကို ရွှေ့ပြောင်းမယ့် ဘင်္ဂလားဒေရှ့် အစိုးရရဲ့ အစီအစဉ်ကို ပြန်လည် သုံးသပ်ဖို့ နယူးရောက် အခြေစိုက် Human Rights Watch လူ့အခွင့်အရေးအဖွဲ့က သြဂုတ်လ ၅ ရက်နေ့မှာ စာမျက်နှာ ၆၈ မျက်နှာပါ အစီရင်ခံစာ တစောင် ထုတ်ပြန် တောင်းဆိုလိုက်ပါတယ်။ ဘင်္ဂလားဒေ့ရှ် အစိုးရရဲ့ အခုလိုစီစဉ်မှုကြောင့် ဒုက္ခသည်တွေ အတွက် အထူးစိုးရိမ်ကြောင်း လည်း ပြောပါတယ်။ အပြည့်အစုံကို ဒေါ်ခင်မျိုးသက်က ပြောပြပေးမှာပါ။

“ဘင်္ဂလားဒေရှ့်ဟာ တို့နိုင်ငံ မဟုတ်ဘူး - မြန်မာနိုင်ငံက ရိုဟင်ဂျာ ဒုက္ခသည်တွေရဲ့ အတိဒုက္ခ ဆိုတဲ့ အစီရင်ခံစာကို တစောင်ကို Human Rights Watch အဖွဲ့က တနင်္လာနေ့မှာ ထုတ်ပြန်ခဲ့တာပါ။ မြန်မာနိုင်ငံက မနှစ်က ထွက်ပြေးလာတဲ့ ရိုဟင်ဂျာ ၇ သိန်းလောက် ဘင်္ဂလားဒေ့ရ်ှမှာ ရှိနေပြီး အရင် ဒုက္ခသည်တွေနဲ့ ပေါင်းရင် ရိုဟင်ဂျာ တသန်းလောက် ရှိနေတာမို့ ဘင်္ဂလားဒေ့ရှ် အစိုးရအနေနဲ့ ဒုက္ခသည်တွေရဲ့ ကြီးလေးတဲ့ဝန်ကို ထမ်းနေရနေကြောင်း၊ ဒီအထဲ Cox’s Bazar မှာ ရှိတဲ့ ဒုက္ခသည် ၂ သိန်းကျော်ထဲက ၄ သောင်းကျော်ဟာ ရေကြီးမှု မြေပြိုမှု အန္တရာယ်နဲ့ ရင်ဆိုင်နေရပြီး သိပ်ဆိုးဝါးတဲ့ နေရာက ၂ သောင်းလောက်ကိုသာ ဘေးလွတ်ရာ နေရာကို ရွှေ့ပြောင်းပေးနိုင်ကြောင်းနဲ့ ဒုက္ခသည် စခန်းတွေဟာ ကြပ်ညပ်နေပြီး ကျန်းမာရေးအရ အခြေနေ မကောင်းသလို၊ မီးဘေးအန္တရာယ်၊ လိင်မှုဆိုင်ရာ အကြမ်းဖက်မှု အန္တရာယ်တွေကိုပါ ရင်ဆိုင်နေ ကြရတယ်လို့ အစီရင်ခံစာမှာ ဖေါ်ပြထားပါတယ်။

လွန်ခဲ့တဲ့နှစ် သြဂုတ်လထဲ ARSA ရိုဟင်ဂျာ အကြမ်းဖက်အဖွဲ့ရဲ့ တိုက်ခိုက်မှုအတွက် မြန်မာလုံခြုံရေးတပ်တွေက နယ်မြေရှင်းလင်းရေး လုပ်ခဲ့တဲ့ နောက်ပိုင်း သိန်းနဲ့ချီတဲ့ ရိုဟင်ဂျာတွေ မြန်မာနိုင်ငံမြောက်ပိုင်းကနေ ဘင်္ဂလားဒေ့ရှ် နိုင်ငံမှာ ထွက်ပြေးခိုလှုံခဲ့တာ ဖြစ်ပြီး အခု တနှစ်ပြည့်ခါနီး အချိန်အထိ နေရပ်ရင်း မပြန်နိုင်သေးပဲ ဘင်္ဂလားဒေ့ရ်ှမှာ သောင်တင်နေတာပါ။ ဒုက္ခသည်တွေနေထိုင်တဲ့ စခန်းတွေမှာ အခုမုတ်သုန်ရာသီအတွင်း မိုးဒဏ်ကြောင့် ရေကြီးမှု မြေပြိုမှု အန္တရာယ်တွေနဲ့ ရင်ဆိုင်နေရပြီး သေဆုံးမှုတွေပါ ရှိနေတဲ့အ တွက် ဘင်္ဂလားဒေ့ရှ် အစိုးရက ဒုက္ခသည် စခန်းတချို့မှာရှိတဲ့ ဒုက္ခသည်တွေထဲက တသိန်းလောက်ကို ဒီရေတောတွေ မြက်တွေဖုံးနေတဲ့ Bhasan Char ကျွန်းကို ပို့ဖို့ အစီအစဉ်တွေ လုပ်နေပါတယ်။ ဒီကျွန်းဟာ Meghna မြစ်ကနေ သယ်ဆောင်လာတဲ့ နှုန်းမြေတွေကနေ လွန်ခဲ့တဲ့ အနှစ် ၂၀ လောက်ကမှ ပေါ်လာတဲ့ မြေနုကျွန်းလေး ဖြစ်ပါတယ်။

ဒါကြောင့် ဘင်္ဂလားဒေ့ရှ် အစိုးရ အခုလို စီစဉ်နေတာနဲ့ ပတ်သက်ပြီး ရိုဟင်ဂျာ ဒုက္ခသည်တွေရဲ့ အသက်အန္တရာယ်အတွက် သိပ်ကို စိုးရိမ်တယ်လို့ Human Rights Watch အဖွဲ့ပြောခွင့်ရ Meenakshi Ganguly က VOA ကိုပြောပါတယ်။

“ဘင်္ဂလာဒေ့ရှ် အာဏာပိုင်တွေသတ်မှတ်ထားတဲ့ ကျွန်းက Bhasan Char ကျွန်းပါ။ အဲဒီမှာ သဲနုန်းမြေတွေနဲ့ဆောက်ထားတာပါ။ လွန်ခဲ့တဲ့ နှစ် ၂၀ လောက်က အဲဒီ ကျွန်းတောင်မရှိခဲ့ပါဘူး။ ဆယ်စုနှစ် သိပ်မကြာသေးပါဘူး။.မြစ်က နုန်းတွေလာစုပြီး အခုလိုကျွန်းဖြစ်လာတာပါ။ ဘင်္ဂလား ပင်လယ်အော် ဟာ ဒီရေလှိုင်းတွေ သိပ်ကြီးပါတယ် ဒါကြောင့် ဒီကျွန်းမှာနေထိုင်ကြသူတွေ ဒီရေလှိုင်းလုံးကြီးတွေပါသွားမှာ စိုးရိမ်ရပါတယ်။ မုန်တိုင်းဒဏ်လည်း ခံရမှာပါ။ ဒါကြောင့် ရိုဟင်ဂျာတွေကို ဒီကျွန်းကို ပြောင်းရွှေ့ထားမယ်ဆိုရင် သိပ်ကိုအန္တရာယ်ကြီးတဲ့အတွက်ကြောင့် ကျမတို့က စိုးရိမ်မကင်းဖြစ်ပါတယ်။”

လက်ရှိဒုက္ခသည်စခန်းတွေမှာ လူဦးရေ သိပ်များနေတာမို့ စက်တင်ဘာလကစ ရွေ့ပြောင်းပေဖို့ ဘင်္ဂလားဒေ့ရှ် အစိုးရက စီစဉ်နေပြီး အခုအခါမှာ Bhasan Char ကျွန်းကို ဒုက္ခသည် တသိန်းလောက် ပို့နိုင်ဖို့ နေစရာတွေ ဆောက်လုပ်နေတယ်လို့လည်း Human Rights Watch အဖွဲ့က ပြောပါတယ်။

"Bhasan Char ကျွန်းပေါ်မှာ ဆောက်လုပ်ရေးတွေစနေပါပြီ။ ဘင်္ဂလားဒေ့ရ်ှရေတပ်နဲ့ တရုတ်တို့က ယာယီတဲခိုစခန်းတွေ အိမ်တွေဆောက်နေပြီး ကျွန်းကမ်းပါးကိုလည်း ပိုခိုင်ခန့်အောင်လုပ်နေပါတယ်။ ဒီရေတက်လာရင် ခံနိုင်ရည်ရှိအောင်လို့ပါ။ ဒါတွေအားလုံးဟာ ဘေးအန္တရာယ်ကင်းအောင်လုပ်နေတယ်လို့ ဆိုရပေမယ့် ဒါတွေကို ပြန်စိစစ်ဖို့ လိုပါတယ်။ ဒီကျွန်းမှာ ၀မ်းစာရှာဖို့ မလွယ်သလို လူတွေလည်း လွတ်လပ်စွာ သွားလာခွင့်ရှိမှာမဟုတ်ပါဘူး။ ဒါကြောင့် သူတို့တွေ ဘယ်လိုလုံခြုံအောင်နေနိုင်ကြမှာလဲ ဒါကြောင့် Bhasanကျွန်းမှာ ဆောက်လုပ်နေတာတွေကို သေသေချာချာစိစစ်ဖို့လိုပါတယ်။ ဒုက္ခသည်တွေအတွက် ဘေးအန္တရာယ်ကင်းဖို့ အာမခံချက်ရရှိဖို့ လိုပါတယ်။ သူတို့က လူ၁သိန်းလောက်ကို မိုးရာသီအပြီးမှာ ရွှေ့ပြောင်းလိုပါတယ်။ နှစ်ကုန်မှာတော့ အပြီးရွှေ့ဖို့ မှန်းထားတာ တွေ့ရပါတယ်။"

Bhasan Char ကျွန်းနားမှာပဲ နောက်ထပ် ပြောင်းရွှေ့ပေးဖို့ အလားအလာရှိတဲ့ နေရာ- ၆ နေရာ ရှိနေကြောင်းနဲ့ အဲဒီနေရာတွေဟာ Ukhiya ဒေသ တွင်းမှာပဲ ရှိသလို အဲဒီနေရာတွေစုစုပေါင်းဟာ ဧက ၁၃၀၀ လောက်ရှိပြီး လူပေါင်း ၂သိန်း ၆ သောင်းကျော် နေနိုင်တယ်လို့လည်း ပြောပါတယ်။ ဒါ့အပြင် Bhasan Char ကျွန်းကို ဒုက္ခသည်တွေ မပြောင်းရွှေ့စေချင်တဲ့ အချက်က ၆ ချက် ရှိနေပြီး အရေးအကြီးဆုံး အချက်က ကျွန်းဟာ လူနေထိုင်ဖို့ မသင့်တဲ့ နေရာဖြစ်နေပြီး အချိန်မရွေး ရေလွှမ်းသွားနိုင်တာနဲ့ မုန်တိုင်းဒဏ်ခံရနိုင်တာဖြစ်ပါတယ်။ ဒါ့အပြင် ကျွန်းပေါ်မှာ ပညာရေး ကျန်းမာရေး စောင့်ရှောက်မှု အကန့်အသတ်ရှိနေပြီး အသက်မွေးဝမ်းကျောင်းအတွက်လည်း အခွင့်အရေး မရှိသလို အဲဒီ Bhasan Char ကနေ လွတ်လပ်စွာ သွားလာခွင့် အာမခံချက်လည်း မရှိတာကြောင့် တသီးတခြား ဖြစ်သွားပြီး ထိန်းသိမ်းရေး စခန်းလို ဖြစ်သွားမယ်လို့လည်း ထောက်ပြ ပါတယ်။ ဒါ့အပြင် အဲဒီကျွန်းဟာ မြန်မာနယ်စပ်နဲ့ ဝေးပြီး ဒုက္ခသည်တွေကလည်း မသွားချင်ကြောင်း ပြောပါတယ်။

ဒါကြောင့် ဒီဒုက္ခသည်တွေကို လူမနေတဲ့ ကျွန်းကိုပို့ဖို့စီစဉ်နေတာကို ပြန်လည်သုံးသပ်ပြီး သူတို့တွေ လုံခြုံစိတ်ချစွာ နေရပ်မပြန်နိုင်သေးခင် အချိန်အတွင်း ဘင်္ဂလားဒေ့ရှ် အစိုးရ အနေနဲ့ ဒုက္ခသည်တွေကို ကောင်းကောင်းမွန်မွန် စောင့်ရှောက်ပေးဖို့လည်း မစ္စ Ganguly က တိုက်တွန်းပါတယ်။

"ရိုဟင်ဂျာဒုက္ခသည်တွေ နေရပ်ရင်းကို ဘေးကင်းလုံခြုံစွာပြန်နိုင်မယ်ဆိုတဲ့ ခိုင်မာတဲ့ သဘောတူညီချက်မရမချင်း သူတို့ရဲ့အခွင့်အရေးတွေကို လေးစားလိုက်နာဖို့ ဘင်္ဂလားဒေ့ရ်ှအစိုးရကို ကျမတို့ တိုက်တွန်းလိုပါတယ်။ ပညာရေး ၊ ကျန်းမာရေး၊ ဘ၀နေထိုင်ရေးတို့ရှိရမှာပါ။ ဒီကျွန်းကဒါတွေကို အာမခံချက်မပေးနိုင်ပါဘူး။ ဘင်္ဂလားဒေ့ရ်ှအစိုးရကိုလည်း ၀န်ခံထားတာဖြစ်ပါတယ်။ ဒါကြောင့် ရိုဟင်ဂျာတွေ ဌာနေမပြန်နိုင်တဲ့ အချိန်အတောအတွင်းမှာ ဘေးကင်းလုံခြုံရေးအတွက် ရေရှည်အစီအစဉ်တရပ် ရှိဖို့လိုပါတယ်။"

HRW ရဲ့ အစီရင်ခံစာကို ပြုစုသူနဲ့ ဒုက္ခသည် အခွင့်အရေးဆိုင်ရာ ညွှန်ကြားရေးမှူး Bill Frelick ကလည်း ဘင်္ဂလားဒေရှ့် နိုင်ငံ အနေနဲ့ ထွက်ပြေးလာတဲ့ ရိုဟင်ဂျာတွေကို ဒုက္ခသည် အဖြစ် မှတ်ပုံတင် ပေးပြီး ပညာရေးနဲ့ ကျန်းမာရေး စောင့်ရှောက်မှု အသေအချာပေးသင့်သလို၊ အသက်မွေးဝမ်းကျောင်းအတွက် စခန်းပြင်ထွက်ခွင့် ပေးဖို့လည်း တိုက်တွန်းခဲ့ပါတယ်။

မြန်မာဘက်ကတော့ ထွက်ပြေးရတဲ့ ဒုက္ခသည်တွေ အားလုံးကို ပြန်လက်ခံမယ်လို့ ပြောဆိုထားပေမယ့် ရိုဟင်ဂျာ ဆိုတဲ့ အသုံးအနှုန်းကို လက်မခံပါဘူး။ ဒုက္ခသည်တွေကလည်း နိုင်ငံသားဖြစ်ခွင့် အာမခံချက် အပါအ၀င် ဘေးကင်းလုံခြုံမှုကို အာမခံချက်ပေးမှသာ ဌာနေပြန်နိုင်မယ်လို့ ပြောဆိုနေကြတာ ဖြစ်ပါတယ်။

ဦးကိုနီ လုပ်ကြံခံရသည့်နေ့က ရဲမှူးကြီးတစ်ဦးနှင့်တွေ့ရန် လေဆိပ်ကို ရောက်နေခြင်းဟု အောင်ဝင်းဇော် ထွက်ဆို

ရေးသားသူ - ဖြိုးသီဟချို/Myanmar Now 

၂၀၁၇ စက်တင်ဘာလ ရုံးချိန်းတစ်ခုတွင် တွေ့ရသည့် ဦးအောင်ဝင်းဇော်။ (ဓာတ်ပုံ - Myanmar Now)

(ရန်ကုန်) —ရှေ့နေ ဦးကိုနီလုပ်ကြံခံရသည့်နေ့က ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိနေခြင်းမှာ ၎င်း၏သားဖြစ်သူ အလုပ်ကိစ္စကြောင့် ရဲမှူးကြီးတစ်ဦးနှင့် တွေဆုံရန် ဖြစ်သည်ဟု လေဆိပ်လုပ်ကြံမှု သံသယ တရားခံ ဦးအောင်ဝင်းဇော်က မြောက်ပိုင်း ခရိုင်တရားရုံးတွင် ယနေ့ထွက်ဆိုခဲ့သည်။

လေဆိပ်လုပ်ကြံမှု သံသယတရားခံ အောင်ဝင်းဇော်ကို နံနက် ၁၀ ခွဲမှ မွန်းလွဲ ၃ နာရီထိ ရန်ကုန် မြောက်ပိုင်း ခရိုင်တရားရုံးတွင် စစ်ဆေးခဲ့ပြီး ထိုစစ်ဆေးမှုတွင် တရားလိုရှေ့နေ ဦးနေလ၏ မေးခွန်းများကို ဖြေကြားခဲ့သည်။

ဦးအောင်ဝင်းဇော်က သူသည် အမျိုးသားဒီမိုကရေစီအဖွဲ့ချုပ် ဥပဒေအကြံပေး ဦးကိုနီလုပ်ကြံခံခဲ့ရသည့် ၂၀၁၇ ဇန်နဝါရီလ ၂၉ ရက်က သားဖြစ်သူ လေယာဉ်မှူး အလုပ်လုပ်ကိုင် ရန်အတွက် ညီဖြစ်သူ  အောင်ဝင်းခိုင်နှင့် လေဆိပ်တွင် ချိန်းဆိုထားခြင်းကြောင့်ရောက်ရှိနေခြင်းဖြစ်သည်ဟုထွက်ဆိုခဲ့သည်။

ယခုအချိန်အထိ ထွက်ပြေးလွတ်မြောက်နေသည့် ဦးအောင်ဝင်းခိုင်နှင့် လေဆိပ်တွင် ချိန်းဆိုမှုမှာ ဦးကိုနီလုပ်ကြံခံရမှုနှင့် မသက်ဆိုင်ဟု လည်းဆိုသည်။

သူ၏သားဖြစ်သူ လေယာဉ်မှူးအလုပ် လုပ်ကိုင်နိုင်ရန်အတွက် ညီဖြစ်သူ ဦးအောင်ဝင်းခိုင်နှင့် သိကျွမ်း သည့် လေဆိပ်ရဲတပ်ဖွဲ့မှ ရဲမှူးကြီး ဝင်းမင်းသိန်းကို လေဆိပ်တွင်လာရောက် တွေ့ဆုံခဲ့ခြင်းဖြစ်သည်ဟု တရားခွင်တွင် ထွက်ဆိုခဲ့သည်။

တရားလွှတ်တော်ရှေ့နေ ဦးနေလက ရန်ကုန်လေဆိပ် CCTV မှတ်တမ်းများကို စစ်ဆေးရာတွင် ဦးကိုနီ လုပ်ကြံမှုသည် ၎င်းတို့ညီအစ်ကို နှစ်ဦး၏ ဦးဆောင် စီမံခန့်ခွဲမှုများ မှတဆင့် ပေါ်ပေါက်ခဲ့သည်မှာ မှန်ကန်သလား ဟု တရားခွင်တွင် မေးမြန်းရာတွင် ဦးအောင်ဝင်းဇော်က ယင်းကဲ့သို့ ပြန်လည်ဖြေကြားခဲ့ခြင်းဖြစ်သည်။

တရားလွှတ်တော်ရှေ့နေ ဦးရောဘတ်စန်းအောင်ကလေဆိပ်လုပ်ကြံမှု သံသယတရားခံ အောင်ဝင်းဇော်၏ သက်သေထွက်ဆိုချက်မှာ အကြောင်းပြချက်သာဖြစ် ပြီး  ရဲမှူကြီးဝင်းမင်းသိန်းသည် ရန်ကုန်အပြည်ပြည်ဆိုင်ရာလေဆိပ်တွင် ရုံးထိုင်ခြင်း မဟုတ်ဟု ပြောသည်။

“နိုင်ငံတကာ လေဆိပ်မှာ လုပ်ကြံသတ်ဖြတ်မှုမှာ (လေဆိပ်ရဲတပ်ဖွဲ့မှ ရဲမှူးကြီး) ဝင်းမင်းသိန်းရဲ့ အခန်းကဏ္ဍ ကပါနေ မယ်။ ပြည်သူအများမှာ ထင်ယောင်ထင်မှားဖြစ်သွားနိုင်တယ်။ သူရဲ့ ရာထူးပါ ထိခိုက် သွားနိုင်တယ်။ ပြီးတော့ ရဲမှူးကြီး ဝင်းမင်းသိန်းကအဲဒီ မှာရုံးထိုင်တာမဟုတ်ဘူး။ သူ့ရုံးကသက်သက်ဗျ”ဟု တရားခွင်က အထွက်တွင် ၎င်းကပြောသည်။

လေဆိပ်လုပ်ကြံမှု ဖြစ်ပွားခဲ့ပြီးနောက် ဦးအောင်ဝင်းဇော်ကို ဇန်နဝါရီလ ၃၀ ရက် နံနက် ၄ နာရီ ၂၀ ခန်တွင် သံလွင်တံတား (ဘားအံ) တွင် ရဲတပ်ဖွဲ့က ဖမ်းဆီးရမိခဲ့ပြီး ရန်ကုန်သို့ခေါ်ယူ စစ်ဆေးခဲ့သည်။

ထို့နောက် အာဏာပိုင်များက ဦးကိုနီလုပ်ကြံမှုနှင့်ပတ်သက်ပြီး လူသတ်ရန် ပူးပေါင်းကြံစည်မှု ပုဒ်မ ၃၀၂(၁)၊လက်နက် ဥပဒေ ပုဒ်မ ၁၉(စ)တို့ဖြင့် အောင်ဝင်းဇော်ကို အမှုဖွင့်ဖမ်းဆီးခဲ့သည်။

မြောက်ပိုင်းခရိုင် တရားရုံး၊အထူးခုံရုံးက ပုဒ်မ ၂ခုဖြင့် စွဲချက်တင်ခဲ့ခြင်းကို ဦးအောင်ဝင်းဇော်၏ ရှေ့နေဖြစ်သူက ရန်ကုန်တိုင်းဒေသကြီး တရားရုံးသို့ ပြင်ဆင်ချက် တင်သွင်းခဲ့သည်။

ဇွန်လ၁၈ ရက်နေ့တွင်ရန်ကုန်တိုင်းဒေသကြီး တရားရုံးက ဦးအောင်ဝင်းဇော်ကို လက်နက်ဥပဒေ ပုဒ်မ ၁၉(စ)မှ ပယ်ဖျက်ပေးခဲ့သည်။

ကျောက်လုပ်ကွက်မှာ သေဆုံးသူ ၈ ဦးအလောင်းတွေ တွေ့ရှိ

ဖားကန့်မြို့နယ်က ဧရာရတနာကုမ္ပဏီ မြေစာပြိုကျခဲ့တဲ့နေရာကို ၂၀၁၈ ဇူလိုင်လ ၂၄ ရက်က တွေ့ရစဉ်

Photo: Moe Moe's Facebook

ကချင်ပြည်နယ် ဖားကန့်မြို့နယ် ဆိပ်မူအုပ်စု မမုံ ရွာအနီးက ဧရာရတနာ ကျောက်မျက်လုပ်ကွက် အဟောင်းမှာ ပြီးခဲ့တဲ့ ၂ ရက်က ကျောက်တောင်ကမ်းပါးယံပြိုကျလို့ ပျောက်ဆုံးနေတဲ့အထဲက လူ ၈ ယောက်ရဲ့ အလောင်းတွေကို ဒီကနေ့ ရှာဖွေတွေ့ရှိထားပါတယ်။

အဲဒီလို ကမ်းပါးယံပြိုလို့ ပျောက်ဆုံးကြောင်း စာရင်းပေးထားတဲ့ ၂၇ ယောက်ထဲက ၈ ယောက်ရဲ့ ရုပ်အလောင်းတွေ ကို တွေ့ရှိတာဖြစ်တယ်လို့ ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က ပြောပါတယ်။

"လောလောဆယ်အထိ ၈ လောင်းတော့ရပြီဗျ။ လောလောဆယ်တော့ မိုးတော့နည်းနည်းရွာနေတယ်။ စက်ယန္တရားတွေတော့ သိပ်လုပ်လို့မရသေးဘူ။ ဒီလိုမျိုးဖြစ်စဉ်တွေ မဖြစ်အောင် တတ်နိုင်သမျှ အုပ်ချုပ်ရေး ပိုင်းက လုပ်သင့်တဲ့ကိစ္စတွေလုပ်ဖို့တော့ လမ်းညွှန်ပါတယ်ဗျ။ အန္တရာယ်ရှိတဲ့ နေရာတွေဝင်မတူးဖို့။ နောက်ပြီးတော့လည်း ဥပဒေနဲ့ မညီဘူးပေါ့နော်။ လုပ်ကွက်တွေထဲ အတင်းဝင်မတူးဖို့ အဲဒါတွေလည်း ကျနော်တို့ဘက်ကတော့ သတိပေးတာတော့ တောက်လျှောက်လုပ်နေပါတယ်"

ဖားကန့်ဒေသ အုပ်ချုပ်ရေးအဖွဲ့ကဦးဆောင်ပြီး၊ မီးသတ်၊ ကြက်ခြေနီ၊ လူမှုကူညီရေး ပရဟိတ အသင်းအဖွဲ့တွေက ဘက်ဟို ယန္တရား ၇ စီးနဲ့အတူ မနေ့ကစလို့ ကူညီရှာဖွေနေကြတာပါ။

ပျောက်ဆုံးကြောင်း စာရင်းပေးလာသူတွေဟာ မမုံ၊ အောက်မယ့်လင်ချောင်၊ စပေါ့၊ ဖားပျဉ် စတဲ့ မှော်ရွာတွေမှာ နေထိုင်ပြီး ရေမဆေးကျောက် တူးဖော်လုပ်ကိုင်နေကြသူတွေဖြစ်ပါတယ်။

ဖားကန့်ကျောက်စိမ်းတွင်းနယ်မြေမှာ အခုလို မိုးတွင်းဆို ကျောက်တောင်ကမ်းပါးယံတွေပြိုကျတာနဲ့ ပွင့်လင်းရာသီ ချိန်တွေမှာဆို စွန့်ပစ်မြေစာပုံတွေပြိုကျလို့ လူတွေမကြာခဏ ထိခိုက်သေဆုံးနေတာပါ။

ပြီးခဲ့တဲ့ ဇူလိုင် ၁၄ ရက်ကလည်း လုံးခင်းအုပ်စု ဆန်ခါမှော်ရွာအနီးက မဟာအစပထမ ကျောက်မျက်တူးဖော်ရေး လုပ်ကွက်အဟောင်းမှာ ကမ်းပါးယံပြိုကျလို့ လူ အယောက် ၂ဝ ကျော် သေဆုံးခဲ့ပါတယ်။

ဖားကန့်ကျောက်စိမ်းတွင်းမှော်နယ်မြေမှာ တနိုင်တပိုင် ရေမဆေးကျောက် ရှာဖွေတူးဖော်နေကြသူ အများစု အပါအဝင် တစ်နိုင်ငံလုံးက ရွှေ့ပြောင်းလုပ်ကိုင်နေကြသူ နှစ်သိန်းဝန်းကျင်ရှိမယ်လို့ ခန့်မှန်းထားပါတယ်။

တိုင်းပြည်၏ အမည်တွင် `မြန်မာနိုင်ငံ` ဆိုသည် ဝေါဟာရ ထည့်ခြင်းမထည့်ခြင်းနှင့် ပတ်သက်ပြီး တပ်မတော်နှင့် အခြားအစုအဖွဲ့များကြား အငြင်းပွားမှုဖြစ်ပွားနေ

Posted: July 14, 2018

လက်ရှိဆွေးနွေးနေသော ၂၁-ရာစု ပင်လုံ တတိယအကြိမ် အစည်းအဝေး၌ တိုင်းပြည်၏အမည်တွင် `မြန်မာနိုင်ငံ` ဆိုသည့် ဝေါဟာရ ထည့်ခြင်းမထည့်ခြင်းနှင့် ပတ်သက်ပြီး သဘောထားကွဲလွဲမှုများ ရှိနေသည်။ တပ်မတော်အစုအဖွဲ့မှ တိုင်းပြည်၏ အမည်တွင် မြန်မာနိုင်ငံဆိုသည့် ဝေါဟာရ ထည့်သွင်းလိုပြီး အခြားအစုအဖွဲ့တချို့က လက်မခံကြောင်း သိရသည်။ သည့်အတွက်ကြောင်း အဆိုပါကိစ္စနှင့် ပတ်သက်ပြီး The Ladies News က ၂၁-ပင်လုံ အစည်းအဝေးတွင် ဆွေးနွေးနေသော အစုအဖွဲ့အချို့၏ အမည်သဘောထားများကို စုစည်းတင်ပြလိုက်ပါသည်။

.

ဦးလှသိန်း

( ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဗဟိုအလုပ်အမှုဆောင်အဖွဲ့ဝင် )

.

တပ်မတော်ကနေပြီးတော့ ပြည်ထောင်စု မြန်မာနိုင်ငံထည့်ချင်တယ်။ ကျန်တဲ့ basic principle တွေကတော့ အားလုံး သဘောတူတယ်။ မြန်မာနိုင်ငံ ထည့်တာမထည့်တာကိုပဲ ဒီမှာက အချင်းများနေတယ်။ လက်ရှိနိုင်ငံက မြန်မာနိုင်ငံ ဖြစ်တဲ့အတွက်ကြောင့်မို့လို့ မြန်မာနိုင်ငံထည့်လိုက်လို့ ကျန်တဲ့အောက်က ဟာတွေက ဘာမှ

ပြုပြင်ပြောင်းလဲမှာမှ မဟုတ်ပဲ။ ဒီလိုသဘောထားကြီးမှု ပိုင်းလေးတွေမှာတော့ လိုသးတယ်လို့ အန်ကယ်အနေနဲ့ မြင်တယ်။ နိုင်ငံရေးအစုအဖွဲ့မှာ အန်ကယ်တို့ ပြည်ခိုင်ဖြိုးကတော့ ထည့်တာကို သဘောတူပါတယ်။ ဒီမိုကရေစီ ဖက်ဒရယ်ကို အခြေခံသော ပြည်ထောင်စုမှာ တပ်မတော်က မြန်မာနိုင်ငံထည့်ချင်တာ။ အန်ကယ်တို့အနေနဲ့ ဘာမှ ကန့်ကွက်စရာ မရှိဘူး ပြည်ခိုင်ဖြိုးက။ ကျန်တဲ့ဟာတွေကြတော့လည်း အဲဒီမှာ မြန်မာနိုင်ငံကို မထည့်နဲ့၊ ဘယ်လိုနိုင်ငံမျိုး ဖြစ်လာမယ်ဆိုတာ ပြောလို့မရသေးတဲ့အတွက်ကြောင့်၊ ဒါပေမယ့် တစ်ခုသတိထားဖို့က ဥပဒေဆိုတဲ့ဟာမှာ အမြဲတမ်း အစားထိုးပြုပြင်လို့ ရတာချည်းပဲ။ နိုင်ငံသားအားလုံးက သဘောတူရင်၊ တကယ်လို့ ပြောင်းချင်ရင် အစားထိုးပြုပြင်လို့ရတာပဲ။ ဒါပေမယ့် လက်ရှိတည်ရှိနေတဲ့ နိုင်ငံသည် မြန်မာနိုင်ငံ ဖြစ်တဲ့အတွက်ကြောင့် အန်ကယ်တို့အနေနဲ့ မြန်မာနိုင်ငံထည့်တာသည် သင့်တော်တယ် လို့တော့ထင်တယ်။

.

စိုင်းကျော်ညွှန့်

( ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) မှ

တွဲဖက်အထွေထွေ အတွင်းရေးမှူး (၂)၊

UPDJC - အတွင်းရေးမှူးအဖွဲ့ဝင်)

.

ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) မှာက ဘာမှမထည့်ထားဘူးလေ။ UPDJC မှာ သဘောတူထားတဲ့ဟာက အားလုံးအတွက် အဆင်အပြေဆုံး ဆိုပြီးတော့ပဲ နားလည်ထားတယ်ပေါ့ဗျာ။ အဲတော့ တစ်ခုခုထည့်လိုက်တာနဲ့ စကားလုံးတစ်လုံးရဲ့ နောက်ကွယ်မှာ ဆွေးနွေးစရာ concept အကြီးကြီးတွေ ရှိတယ်။ တပ်မတော်က ထည့်တဲ့အချက်လိုပဲ EAO ဘက်ကလည်း တခြားတခြားသော အချက်တွေ ထည့်တယ်။ ဥပမာနိုင်ငံသားတို့ နေထိုင်သူတိုင်းတို့၊ ၀ိဝါဒကွဲစရာတွေ အများကြီးရှိတယ်။ အဲဒါကြောင့်မို့လို့ UPDJC ရောက်လာတယ် ဆိုတာလည်း လုပ်ငန်းကော်မတီမှာ အဆင့်ဆင့်ဆွေးနွေးပြီးမှ ရောက်လာတယ်ဆိုတော့ ဒါက အကောင်းဆုံး အဖြေဖြစ်မယ်၊ ရှေ့ဆက်သွားနိုင်ဖို့ အကောင်းဆုံးအဖြေဖြစ်တယ်လို့ ကျွန်တော်တို့ အနေနဲ့ ဒီလိုပဲ သွားတာလေ။ ဒီဟာ ထည့်ချင်းမထည့်ချင်း အပေါ်အမှာတော့ ကျွန်တော်ကတော့ ဘာမှမပြောချင်ဘူး။ ဒါပေမယ့် ပြီးခဲ့တဲ့ ၃၇ ချက်ကိုလည်း ဒုတိယအစည်းအဝေးမှာ အတည်ပြုတဲ့ ပြည်ထောင်စု သဘောတူစာချုပ် အစိတ်အပိုင်း တစ်မှာလည်း ဖေါ်ပြထားခြင်း မရှိဘူး။ ဒီမိုကရေစီနဲ့ ဖက်ဒရယ်အခြေခံသော ပြည်ထောင်စုလို့ပဲ ဖေါ်ပြထားတယ်။ နံပါတ် တစ်မှာ ကတည်းက နိုင်ငံတော်ကို ဒီမိုကရေစီနဲ့ ဖက်ဒရယ် အခြေခံသော ပြည်ထောင်စုအဖြစ် ဖွဲ့စည်းသည်လိုပဲ ဒီလိုပဲရေးထားတယ် ဆိုတော့က ဒါက ရှေ့ဆက်သွားနိုင်တဲ့ အကောင်းဆုံး စကားလုံး ဖြစ်နေတာပေါ့ဗျာ။ တစ်ခုခုထည့်လိုက်တယ် ဆိုရင်တော့ သူက ထည့်တဲ့အပေါ်မှာ concept တွေက တစ်ဖက်နဲ့ တစ်ဖက် ကွဲပြီးတော့ ရှေ့ဆက်သွားနိုင်ဖို့ မဖြစ်ဘူးဖြစ်လာနိုင်တယ်။ တစ်ချိန်ချိန်ကြရင်တော့ ဒါကလည်း ဆွေးနွေးရမှာပဲလေ။ ဆွေးနွေးပြီးတဲ့အချိန်မှာ အားလုံး သဘောတူ တယ်ဆိုရင် ထိပ်ဆုံးမှာ တစ်ခါတည်း တပ်ထားလိုက်ပြီးသွားတာပဲ။ ဒီအသေးစိတ် အောက်တွေမှာ ထည့်နေရင် တော်ကြာအပိုဒ်တိုင်း အပိုဒ်တိုင်းတွေ လာထည့်နေရင်လည်း အလကားပဲ။ တစ်ချိန်ချိန်ကြရင် သဘောတူစာချုပ် အားလုံးရဲ့ ထိပ်စီးပေါ်မှာ အားလုံး သဘောတူတယ်ဆိုရင် ထည့်လိုက်ရင် အဲအချိန်ကြရင် ပြီးသွားတာပဲပေါ့လေ။ အဲဒီတော့ ရှေ့ဆက်သွားနိုင်ဖို့ ရေရှည်ကို မျှော်လင့်တယ်၊ အဖုအထစ်မရှိရင်ဘူးဆိုရင် အားလုံး သဘောတူလက်ခံထားတဲ့ ပုံစံနဲ့ သွားတာ ပိုကောင်းတယ်လို့ ဒီလိုပဲပြောချင်တယ်။

.

ရဲဘော်မျိုးဝင်း

(မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) မှ ဥက္ကဋ္ဌ)

.

ဆွေးနွေးရမယ့် အကြောင်းအရာ တစ်ခုပဲဖြစ်မှာပေါ့နော်။ NCA စာချုပ်ပေါ်မှာ အခြေခံပြီးတော့မှ နိုင်ငံရေး ဆွေးနွေးပွဲတွေ ကျင်းပနေတာရှိတာကို NCA စာချုပ်အရ ဆိုရင်တော့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု။ တစ်ဖက်မှာလည်းပဲ NCA စာချုပ်အရ ပြောမယ်ဆိုပြန်ရင်လည်း NCA စာချုပ်ရဲ့ အခြေခံမူထဲမှာ ပြည်ထောင်စုသမ္မတ မြန်မာနိုင်ငံတော် ဆိုတာ ဝေါဟာရပါပြီးသား ဖြစ်နေတယ်။ အဲဒီ NCA စာချုပ်မှာ ဝေါဟာရတွေ အမျိုးမျိုးဖြစ်နေတယ်။ ဒီမိုကရေစီနဲ့ ဖက်ဒရယ်စနစ်ကို အခြေခံသော ပြည်ထောင်စုကို နိုင်ငံရေးဆွေးနွေးပွဲ ရလဒ်နဲ့ တည်ဆောက်ရန် ဆိုတာ၊ ဒါလည်းတစ်ခု။ တစ်ဖက်မှာလည်းပဲ ပြည်ထောင်စုသမ္မတ နိုင်ငံတော်ဆိုတဲ့ ဝေါဟာရ ကလည်းပဲ NCA စာချုပ်မှာပါပြီးသား ဖြစ်နေတယ်။ ဒါနိုင်ငံရေးအရ ဖြေရှင်းရမယ့်ကိစ္စ။ ဒါ NCA စာချုပ်ပါ ပြဋ္ဌာန်း ဖေါ်ပြချက်တွေ၊ အဘောတူချက်တွေဟာ ၀ိဝါဒကွဲပြာစရာတွေ ဖြစ်နေတယ်တော့ ဆက်လက်ဆွေးနွေးရမယ့် ကိစ္စဖြစ်ပါတယ်။ အဖွဲ့အစည်း အသီးသီမှာတော့ အဆိုပြုချက်တွေ ရှိနိုင်ပါတယ်။ တပ်မတော် အဆိုပြုချက် မှန်၏၊ မှား၏ ဆိုတာထက်ကို ဘယ်လိုညှိနှိုင်း ဆောင်ရွက်သွားမလဲ ဆိုတဲ့ နည်းလမ်းနဲ့ပဲ ဖြေရှင်းရမယ်ထင်ပါတယ်။ EAO အဆိုပြုချက် ရှိမယ်။ နိုင်ငံရေးပါတီက အဆိုပြုချက်ရှိမယ်။ အဲဒီအဆိုပြုချက် အားလုံးကို ဘယ်လိုနည်းနဲ့ ဖြေရှင်းကြမလဲပေါ့။ အခုဖြေရှင်းနေတာတော့ ခုနကပြောသလိုပဲ NCA စာချုပ်ပါ ပြဋ္ဌာန်းချက်တွေ၊ ကြားထဲမှာ ၀ိဝါဒကွဲပြားမှုတွေကို ပြန်လည်ညှိနှိုင်းရမှာ ဖြစ်ပါတယ်။

 

အောင်ရဲနောင်

The Ladies News