ယမ်းငွေ့မပြယ်သေးတဲ့ မဲသဝေါမြေမှ နှလုံးသားငိုရှိုက်သံများ လွင့်ပျံရာဆီ

မဟူရာ​ရောင်​ မဟုတ်​​ပေမယ့်​ ပါးလွှလွှ ကတ္တရာလမ်း။ တောင်​တက်​၊​ တောင်​ဆင်းမရှိတဲ့ ​မြေညီလမ်း၊ ထိုလမ်းကား ၃၅ မိုင်ခန့် ရှည်​လျားတဲ့ မြိုင်​ကြီးငူ-မဲသ​ဝေါသွားလမ်း။  ၀ါးတာဂိတ်​ရဲ့နောက်​မှာ အနီ​ရောင် ​ဆိုင်းဘုတ်​ကြီးတစ်​ခု။ ပွင့်​​နေတဲ့ ၀ါးတားဂိတ်​ကို ဖြတ်​​ကျော်​လာတဲ့ကား​တွေ အနီ​ရောင်​ဆိုင်းဘုတ်​ကြီး အနီးအ​ရောက်​ ယာဉ်​တန်းတစ်​ခုလုံး တုံ့ခနဲရပ်​တန့်​သွားတယ်​။

 

ေ​ရှ့ကားမှာ စီးလာတဲ့ တပ်​ဖွဲ့ဝင်​​တွေ လက်​နက်​ကိုယ်​စီနဲ့ ပြေးဆင်းကြ။ အားလုံးက ​သေနတ်​ကို အဆင်​သင့်​ပြင်​လို့။ မိမိတို့ သတင်းမီဒီယာအဖွဲ့တွေကလည်း ကင်​မရာ​တွေ အဆင်​သင့်​ထုတ်​လို့ ​ပြေးဆင်းခဲ့ကြရဲ့။

 

မိုင်းအန္တရာယ်​ သတိ​ပေးကြေညာချက်​ ဆိုင်းဘုတ်​ကြီး။ အရင်​က အသုံးပြုခဲ့တဲ့ ​မြေမြှုပ်​မိုင်းအန္တရာယ်​ဆိုပဲ။ ဒါဆို မ​နေ့တစ်​​နေ့က ဖြစ်​ပွားခဲ့တဲ့ တိုက်​ပွဲရဲ့နောက်​ချန်​မိုင်း​တွေ ဘယ်​​လောက်​များ ရှိ​လေမလဲ။ ဘယ်​​လောက် ​များပြား​နေမလဲ။ 

အ​တွေးချဲ့မိရဲ့။

 

“ဒါအရင်က DKBA (ခွဲထွက်​)​ တွေ ဂိတ်​​ကြေး​ကောက်​ခဲ့တဲ့​ နေရာ။ မြိုင်​ကြီးငူက မဲသ​ဝေါကို သွားသွား။ မြန်​မာပြည်​အနှံ့က အပျော်​ခရီးထွက်​လာတဲ့သူ​တွေ ကျုံထော်​​ရေတံခွန်​ကိုပဲ သွားသွား။ ဒီဂိတ်​မှာပေးပြီးမှ သွားလို့ရတာ”ဟု ယာဉ်​​ပေါ် အတူလိုက်​ပါလာတဲ့ မြ၀တီမြို့သတင်းမီဒီယာ အဖွဲ့သားတစ်​ဦးက​ တိုးတိုး​လေးပြောပါ​တယ်​။

 

ဂိတ်​အတွင်းမှာ​တော့ မြ၀တီ၊​ မော်လမြိုင်​ နဲ့  တွံ​တေးက ပရဟိတ ညီအစ်​ကို​တွေ။ သူတို့တွေ ဘာလုပ်​​နေကြတာလဲ။ ဘာအတွက်​ ​စောင့်​ဆိုင်း​နေကြတာလဲလို့ စိုးထိတ်​စွာ ​မေးကြည့်​မိတယ်​။

 

“စစ်​​ရှောင်​ပြည်​သူ​တွေ ဂူ​တွေထဲမှာ ခိုလှုံ​နေကြ​သေးတယ်​။ ပစ်​ခတ်​မှု​တွေကြား ပိတ်​မိ​နေတာ ထွက်​မလာနိုင်​​သေးဘူးလို့ သိရ​တော့ သူ​တို့တွေအတွက်​ စိတ်​ပူ​နေမိတယ်​။မ​နေ့က​တော့ ကားနှစ်​စီးနဲ့ ကျုံထော်​ချောင်းစပ်​မှာ သွားကြိုခဲ့ကြတယ်​။ ဒီ​နေ့တော့ လုံခြုံ ​ရေးအ​ခြေအ​နေအရ သွားခွင့်​မပြု​သေးပါဘူး”ဟု မြ၀တီေ​စေတနာလူမှုကယ်​ဆယ်​​ရေး အသင်းသားတစ်​ဦးက​ ပြောပါတယ်​။

 

မြေမြှုပ်မိုင်းအန္တရာယ်​ဆိုတဲ့ သတိပေးဆိုင်းဘုတ်​ကြီး​နောက်​မှာ မြက်​ပင်​၊ ချုံနွယ်​ကြားက ဆိုင်းဘုတ်​​​လေး တစ်​ခု။ လူ​ခေါင်းရုပ်​နဲ့ အန္တရာယ်​ သတိ​ပေးချက်​က  စိတ်​​ချောက်​ချားစရာ​ ကောင်းလွန်းပါတယ်​။

 

ဒီ​​နေရာက ယာဉ်​တန်း​တွေ စထွက်​​တော့ လမ်း​ဘေး ၀ဲ၊ ယာ တစ်​​လျှောက်​မှာ တပ်​မ​တော်​သား​တွေ၊ နယ်​ခြား​စောင့်​တပ် ​ရဲ​ဘော်​​တွေ လုံခြုံ​ရေးယူထားကြ​ပေမယ့်​ ဘယ်​အချိန်​ ဘာဖြစ်​လာမလဲ အားလုံးရဲ့ရင်​ထဲမှာ စိုးတထင့်​​ထင့်နဲ့ပေါ့။

 

အ​ရှေ့ကား​ပေါ်မှာ ပါလာတဲ့ စားသောက်​ဖွယ်​ရာ​တွေကို လမ်းလုံခြုံ​ရေးတပ်​စခန်း​နေရာ ​ရော​က်တိုင်း ကမ်း​ပေး​နေတာ​ တွေ့ရတယ်။ တချို့ရဲ​ဘော်တွေ လမ်းမ​ပေါ်မှာ ​နေပူပူ၊ မိုးရွာရွာ အသင့်အ​နေအထား။

 

လမ်း​ဘေးလျှိုတွေထဲမှာ၊ ​တောင်​ကုန်း​တွေ​ပေါ်မှာ တံခါးပိတ်​ထားတဲ့ နေအိမ်​​တွေ။ လူမ​နေတဲ့ အိမ်​က​လေး​တွေက ယမ်း​ငွေ့တွေကြားမှာ မှုန်ရီဝိုးတ၀ါး။ အရင်ကလို ဆူဆူညံညံ က​လေးငိုသံ​တွေလည်း မကြားရ​တော့ဘူး။ ​ပျော်ရွှင်​မြူးတူး ကစား​နေတဲ့ အသံ​တွေ။ လူကြီးလူငယ်​ ကူးလူးသွားလာ​နေတဲ့ ​တောဓလေ့ ​ပျော်​ရွှင်​စရာမြင်​ကွင်း​တွေလည်း မ​တွေ့ရ​တော့​ပေ။ လူမ​နေတဲ့ အိမ်​က​လေး​တွေ အထီးကျန်​ရုံသာမက သုသာန်​တစပြင်​လို ငြိမ်​ဆိတ်​နေပါ​တယ်​။

 

ဒီလိုပဲ ​တောင်​ကုန်း​တွေ၊ ​တောင်​ကြား​တွေ၊ လယ်​ကွင်းပြင်​ကျယ်​​တွေနားမှာ ရွာလေး​တွေ တည်​ရှိ​နေတာပါ။ ရွာ​ပေါင်း ၂၀ ​ကျော်​က ပြည်​သူ​တွေရဲ့ဘ၀​တွေဟာ ​သေနတ်​ကျည်ဆန်တွေကြားက ယမ်း​ငွေ့တွေနဲ့အတူ လွင့်​မျောခဲ့ရပြန်​တယ်​။

 

ဆရာ​တော်​ဘုရားရဲ့ မေတ္တာရင်​​ငွေ့ ဖွဲ့တည်​ရာ မြိုင်​ကြီးငူ အထူး​ဒေသမှာ​ ရောက်​​​နေတဲ့ စစ်​​ဘေး​ရှောင်​ပြည်​သူတစ်​ဦးရဲ့​ပြောစကားက နားစဉ်​ကို ပဲ့တင်​ရိုက်​ခတ်​လို့ လာပြန်​ပါတယ်​။

 

“ကျွန်​​တော့်အိမ်​မှာ နွားခုနစ်​ကောင်​ ကျန်​ခဲ့တယ်​။ လယ်​ထဲက စပါးပင်​​တွေလည်း အဖူးထွက်​​တော့မယ်​။ အခုဆိုရင်​ နွားနဲ့ အိမ်​​မွေးတိရစ္ဆာန်​​တွေ ရှိနိုင်​​သေးရဲ့လား။ နွား​တွေကို တပ်​ကပဲ စားလိုက်​ပြီလား။ BGF ကပဲ သတ်​စားလိုက်​ပြီလား။ 

ရွာကို​တော့ ပြန်​မသွားရဲဘူးလေ။ မိုင်း​တွေက​ နေရာတိုင်းမှာ ရှိ​​နေတာ။ လူ့အသက်​၊ ကိုယ်​လက်​အင်္ဂါက ကျွဲ၊ နွား​တွေထက်​ တန်​ဖိုးကြီးပါတယ်​ဗျာ”ဟု ​ဆိုတယ်​။ ကားလမ်း​ဘေး ကိုက်​ ၃၀၀ ခန့်​အကွာ ​တောင်​ကုန်းတစ်​ခုရဲ့ ခြေရင်းကို​ ရောက်​​တော့ ကား​တွေအကုန်​လုံး ရပ်​လိုက်​ကြတယ်​။

 

ဒါ DKBA တွေ ခြေကုပ်ယူထားခဲ့တဲ့ နောက်ဆုံးခံတပ်။ ရိက္ခာကုန်းစခန်းပေါ့။ ကျွန်တော်တို့ ဒီကုန်းမှာ ပြန်အိပ်ကြမှာလေ”ဟု အနားကိုရောက်လာတဲ့ နယ်ခြားစောင့်တပ်အဖွဲ့ဝင် တစ်ယောက်က ပြောပြီး မကြာခင်မှာပဲ ကားတွေ ခရီးဆက်ထွက်လာခဲ့ကြပါတယ်။

 

သြော်..တပ်မတော်၊ BGF တပ်တွေ ခက်ခက်ခဲခဲ တိုက်ယူခဲ့ရတဲ့ ရိက္ခာကုန်း။ သုံးရက်ကြာ တိုက်ယူရပြီး တပ်မတော်သားနှစ်ဦး အသက်စတေးပေးခဲ့ရသလို ငါးဦးထက်မနည်း ဒဏ်ရာရခဲ့တဲ့ ရိက္ခာကုန်းဆိုတာ ဒါကိုး။ ဘုရားနဲ့ သိမ်တော်တစ်ခု တောင်ထွတ်ပေါ်မှာ ထည်ထည်ဝါ၀ါ တင့်တင့်တည်တည် ရှိနေတဲ့ ဘုရားကုန်း။ ဘယ့်နဲ့ စစ်မြေပြင်ဖြစ်ခဲ့ရသလဲလို့ စိတ်မချမ်းမြေ့စွာ တွေးနေမိတယ်။

 

ယာဉ်တန်းက သောင်ရင်းကမ်းစပ်ရှိ မဲသဝေါကျေးရွာကို ဆက်ထွက်လာခဲ့တယ်။  မြစ်သောင်ရင်းရဲ့ အနားသတ်စည်းပေါ်က မဲသဝေါရွာကို ရောက်တော့ အိမ်တွေပေါ်မှာ တစ်ယောက်စ နှစ်ယောက်စ ရှိနေတာကလွဲလို့ အိမ်အများစုကတော့ တံခါးပိတ်ထားတယ်။

 

သောင်ရင်းမြစ်ရဲ့နှုတ်ခမ်းစပ်မှာ တည်ရှိနေတဲ့ ထုံးဖြူဖြူစေတီလေးတွေက မြန်မာနိုင်ငံရဲ့ သင်္ကေတပြယုဂ်အဖြစ် တည်ရှိနေပါတယ်။ သောင်ရင်းတစ်ဖက်မှာတော့ ထိုင်းနိုင်ငံ မဲသဝေါရွာလေး။ ရေစုန်ကို ဆန်တက်ရောက်ရှိလာတဲ့ စက်လှေတစ်စင်းပေါ်မှာတော့ နေရပ်ပြန်လာနေတဲ့ စစ်ရှောင်ဒုက္ခသည်အချို့ကို တွေ့ရတယ်။ သို့ပေမဲ့ နေရပ်မပြန်နိုင်သူ ထောင်နဲ့ချီရှိတယ်လို့ ဆိုပါတယ်။

 

ကရင်ပြည်နယ် မဲသဝေါဒေသမှာ စစ်မက်တွေ ဖြစ်ပွားလာတော့မယ်ဆိုတဲ့ အသိနဲ့ စက်တင်ဘာ ၉ ရက်မတိုင်ခင် မြိုင်ကြီးငူဆရာတော်ရဲ့အစီအစဉ်နဲ့ ရွာသူရွာသား ၂၀၀၀ နီးပါးကို မြိုင်ကြီးငူကို ရွှေ့ပြောင်းစေခဲ့တယ်။

 

“အမိုးတို့ မိသားစုတွေက မြိုင်ကြီးငူဘက်ကို ပါမသွားကြဘူး။ ဆရာတော် လာခေါ်ပြီးတဲ့နောက်နေ့ တိုက်ပွဲတွေဖြစ်ကြတာပါပဲ။ လမ်းမှာ တိုက်ပွဲတွေဖြစ်နေတော့ မြိုင်ကြီးငူ ရှောင်ပြေးဖို့ ခက်ခဲသွားတဲ့အတွက် အမိုးတို့ မသွားကြတော့ဘူး။ ထိုင်းဘက်ကိုပဲ ပြေးရတော့တယ်။ တိုက်ပွဲဖြစ်တယ်ဆိုတာ ပန်းနဲ့ ပေါက်တာမှ မဟုတ်တာ။ အသက်ချမ်းသာရာရဖို့အရေး အိုးအိမ်ဥစ္စာတွေ ပစ်ပြီး ကစဥ့်ကလျားပြေးရတာလေ။ ထိုင်းဘက်ကိုပြေးတဲ့သူတွေ ပြန်လာနေကြပြီဆိုပေမယ့် မြိုင်ကြီးငူဘက် ရှောင်တဲ့သူတွေ ပြန်လာလို့ မရသေးဘူး”လို့ ဆိုပါတယ်။

 

သောင်ရင်းကမ်းစပ်ကျေးရွာတွေရဲ့  နေအိမ်တွေမှာ လူတစ်ယောက်စ နှစ်ယောက်စ ရှိပေမယ့် ငြိမ်ငြိမ်ဆိတ်ဆိတ်နဲ့ အဖော်မဲ့နေပါတယ်။ ကျပြီး မပေါက်ကွဲသေးတဲ့ လက်နက်ကြီးကျည်တွေ၊ မိုင်းတွေရဲ့အန္တရာယ်ကို စိုးကြောက်ပြီး လယ်ထဲ ယာထဲ သွားရောက်လုပ်ကိုင် စားသောက်ဖို့လည်း မ၀ံ့ရဲကြပေ။

 

ဒေသခံပြည်သူတွေရဲ့ မိမိအသက်ထက် ဘာမှအရေးမကြီးဆိုတဲ့ အသိတွေကြောင့် ကျည်လွတ်ရာ ကိုယ်လွတ်ပြေးခဲ့ရပါတယ်။ အခုလည်း စစ်ရှောင်စခန်းမှာ ခိုလှုံနေရဆဲ ဖြစ်ပါတယ်။ ပြည်သူတွေရဲ့ အိမ်လွမ်းရိပ်တွေဟာ ယမ်းငွေ့တွေကို မလွှမ်းခြုံနိုင်သေး။ သူတို့တွေရဲ့ ရွာကို လွမ်းတဲ့စိတ်၊ အိမ်ကို လွမ်းတဲ့စိတ်တွေက နှလုံးသားငိုရှိုက်သံတွေအဖြစ် ထပ်ကာထပ်ကာ ဖြစ်ပေါ်နေဆဲ။

 

တောဓလေ့ ရွာဓလေ့အဖြစ်နဲ့ ညီအစ်ကို ရင်းပမာနေလာကြတဲ့ ချစ်ကြည်ငြိမ်းချမ်းတဲ့ မိသားစုတွေဟာ နှစ်ဖက်လက်နက်ကိုင် ပဋိပက္ခတွေကြားမှာ၊ ကျည်ဆန်တွေကြားမှာ ယမ်းငွေ့မပြယ်သေးသရွေ့ မြေစာပင်ပြည်သူတွေ ရဲ့ နှလုံးသားငိုရှိုက်သံတွေဟာ သာ၍ သာ၍ ကျယ်လောင်နေဦးမှာ ဖြစ်ပါတော့တယ်။

Writer: 

ကိုရွှေသိန်း (မြ၀တီ)