ဧရာဝတီတိုင်းဒေသကြီး၊ ပုသိမ်ခရိုင်၊ ကျောင်းကုန်းမြို့နယ်၊ ဇရပ်ကွင်းအုပ်စု၊ ဆူးပဒေါင်းကွင်းရွာ အနီးတွင် ရက်ရက်စက်စက် သတ်ဖြတ်ခံရပြီး အလောင်းစွန့်ပစ်ခဲ့သည့်အမှုမှာ အငှားယာဉ်ကို လုယူသတ်ဖြတ်ခဲ့ခြင်း ဖြစ်သည်ဟု ကနဦးယူဆကြောင်း ကျောင်းကုန်းမြို့မရဲစခန်းမှ ရဲအရာရှိတစ်ဦးက The Ladies သို့ မတ်လ ၁၉ ရက်တွင် ပြောသည်။
“အဲ့ဒီနေ့(မတ်လ ၁၈ ရက်)က အလောင်းက လမ်းဘေးမှာတွေ့တယ်ပေါ့ ။ ကျွန်တော်တို့ကို ရွာကနေ အကြောင်းကြားတော့ ကျွန်တော်တို့သွားစစ်တာ လည်ပင်းနားမှာ ထိုးသွင်းဒဏ်ရာနဲ့ တွေ့တယ်။ ၃၀၂ နဲ့ အမှုဖွင့်တယ်။ စခန်းမှူး ကိုယ်တိုင်စစ်တယ်။ မည်သူမည်ဝါဖြစ်ကြောင်း စုံစမ်းတော့ Taxi မောင်းတဲ့သူပေါ့။ ပြောရမယ်ဆိုရင်တော့ သူ့ကို သတ်ပြီးတော့ Taxi ကို ယူသွားတဲ့ပုံစံပေါ့” ဟု အဆိုပါရဲအရာရှိက ပြောသည်။
အဆိုပါအမျိုးသားအလောင်းကို မိုင်တိုင်အမှတ် ၆၆/၀ နှင့် ၆၆/၁ ကြား၊ ရန်ကုန်ဘက်မှ ပုသိမ်ဘက်သို့သွားသည့် ကားလမ်း ယာဘက်ခြမ်း လမ်းဘေးချောက်ထဲ၌ အသက်(၃၆)နှစ်ခန့်ရှိ အမျိုးသားတစ်ဦးကို လည်ပင်းဝဲဘက် (၁) လက်မခန့် ထိုးသွင်း ဒဏ်ရာတစ်ချက်၊ လည်ပင်းယာဘက် (၅)လက်မခန့် ပြတ်ရှဒဏ်ရာ တစ်ချက်တို့ဖြင့် သေဆုံးနေကြောင်း စစ်ဆေးတွေ့ရှိရခြင်းဖြစ်သည်။
သေဆုံးမှုနှင့် ပတ်သက်၍ ရဲလုပ်ထုံး လုပ်နည်းနဲ့အညီ ဆောင်ရွက်ထားကာ ကျောင်းကုန်းမြို့မရဲစခန်း၌ (ပ)၆၈/၂၀၁၈၊ (အမှုကြီးအမှတ်စဉ် ၃/၂၀၁၈)ဖြင့် အမှုဖွင့် ဆောင်ရွက်ထားရှိပြီး၊ ရန်ကုန်တိုင်းဒေသကြီး ရဲတပ်ဖွဲ့အပါအ၀င် အခြားပြည်နယ်နှင့် တိုင်းဒေသကြီး ရဲတပ်ဖွဲ့များနှင့် ပူးပေါင်း ဆောင်ရွက်လျက်ရှိကြောင်း အဆိုပါရဲအရာရှိက ဆက်လက်ပြောကြားခဲ့သည်။
The Ladies News
No comments:
Post a Comment