ခြိမ်းခြောက်ခံရမှုကြောင့် ဦးကိုနီကို လုပ်ကြံရကြောင်း ကြည်လင်းထွက်ဆို

ရေးသားသူ - ဖြိုးသီဟချို/Myanamr Now 28/06/2018

ဇွန် ၂၈ ရက်နေ့က ရန်ကုန် မြောက်ပိုင်းခရိုင်တရားရုံးတွင် လုံခြုံရေးတပ်ဖွဲ့ဝင်များကြား တွေ့ရသောရန်ကုန်လေဆိပ် သေနတ်သမားနှင့်အမှုတွဲများ (ဓာတ်ပုံ - ကေဇွန်နွေး/Myanmar Now)

(ရန်ကုန်) —  ရန်ကုန်လေဆိပ် သေနတ်သမား ကြည်လင်းက ၎င်းနှင့် မိသားစု အသက်အန္တရာယ် ကျရောက်မည်ကို စိုးရိမ်သဖြင့်  ရှေ့နေ ဦးကိုနီကို လုပ်ကြံသတ်ဖြတ်ရခြင်း ဖြစ်သည်ဟု ဇွန် ၂၈ ရက်နေ့ တရားခွင်တွင် ပြောသည်။

“ ကျွန်တော့်မှာ အပြစ်မရှိပါဘူး။ မိသားစုနဲ့ ကျွန်တော့် အသက်ကို သတ်မယ်ဆိုပြီး ခြိမ်းခြောက် ခိုင်းစေတာကြောင့် အသက်အန္တရာယ်ကြောင့် လုပ်ခဲ့ရခြင်းဖြစ်ပါတယ်”ဟု ၎င်းက ရန်ကုန် မြောက်ပိုင်းခရိုင်တရားရုံးတွင် ပြောသည်။

ခရိုင်တရားရုံး အထူးခုံရုံးတရားသူကြီးက တရားခွင်တွင် သေနတ်သမားကြည်လင်းကို လေဆိပ်လုပ်ကြံမှုတွင် အပြစ်ရှိ၊ မရှိ မေးမြန်းရာတွင် ၎င်းက ထိုသို့ ဖြေကြားခဲ့ခြင်းဖြစ်သည်။

လက်နက်မှုနှင့်ပတ်သက်ပြီး ၎င်းတွင် အပြစ်ရှိ၊ မရှိ ဆက်လက်မေးမြန်းရာတွင် ကြည်လင်းက ၎င်းတွင် အပြစ် မရှိကြောင်း၊ လေဆိပ်သို့လာရာတွင် မည်သည့် လက်နက်မျှ သယ်ဆောင်လာခြင်း မရှိကြောင်း ပြန်လည် ဖြေကြားခဲ့သည်။

နောက်တစ်ပတ်ရုံးချိန်းဖြစ်သည့် ဇူလိုင် ၅ ရက်နေ့တွင် တရားသူကြီးက ကြည်လင်းထံမှ စစ်ချက်ယူသည့်အခါ လေဆိပ်တွင် သေနတ် မည်သို့ ရရှိသွားကြောင်း မေးမြန်း စစ်ဆေးဖွယ် ရှိသည်ဟု အများက ယူဆနေကြသည်။

တရားခံရှေ့နေ ဦးကျော်ကျော်ထိုက်က သေနတ်သမားကြည်လင်းကို ခြိမ်းခြောက် ခိုင်းစေသူမှာ မြင့်ဆွေဖြစ်သည်ဟု ထွက်ဆိုခဲ့ပြီးဖြစ်ကြောင်း တရားခွင် ပြင်ပတွင် ပြောသည်။  

ဦးကြည်လင်းနှင့် ဘုရားခုိုးဂိုဏ်းတွင် လက်တွဲလုပ်ကိုင်ဖူးသူ အောင်ဝင်းဇော်က  ရန်ကုန်မြို့လယ်တွင် လုပ်ကြံသတ်ဖြတ်မှုတစ်ခု လုပ်ပေးလျှင် သိန်းရာနှင့်ချီပေးမည်ဟု   ကမ်းလှမ်းခဲ့ဖူးကြောင်း အကျဉ်းသားဟောင်းတစ်ဦးဖြစ်သူ ဦးအောင်စိုးကထုတ်ဖော်ပြောဆိုခဲ့ဖူးသည်။  

 

ဆက်စပ် ဖတ်ရှုရန် —

ကြည်လင်း၏အမှုတွဲက လုပ်ကြံမှုကျူးလွန်ရန် ကမ်းလှမ်းခဲ့ဟု ထောင်ထွက်တစ်ဦး ထုတ်ဖော်

goo.gl/pXC4fQ